Żona li kienet miżbla snin ilu, inbidlet fi gnien mill-isbah….b’niċċeċ u fjuri li inzerghu minn Ronnie Gauci, anżjan mill-Għargħur, illi l-għaxqa tiegħu kienet dik li jieħu ħsieb il-pajsaġġ Malti.
Gauci kien iħawwel u jiżra bosta pjanti fiz-zona maghrufa bhala Top of the World, fil-Għargħur stess. Tant li hu naddaf u ħa ħsieb dan il-post minn butu.
Ronnie Gauci jiddeskrivi dan ix-xogħol volontarju bħala ‘parti minnu.’ Iżda fl-ahhar jiem…hu gie ordnat inehhi dan il-gnien mill-isbah li kien bena.
L-Awtoritajiet qalulu li x-xogħol sar bla permess u ordnawlu biex ikisser kollox. L-awtoritajiet saħansitra hedduh li jekk dawn il-kreazzjonijiet tal-ġebel ma jitkissrux b’mod immedjat, l-Awtorita’ tal-ippjanar kienet se tweħħlu multa li tammonta għal 50,000 ewro.
Kemm għal Ronnie Gauci ….kif ukoll għal min iħobb verament il-Għargħur ….kulhadd jaqbel li qatt ma kellha tasal din il-ġurnata, fejn numru ta’ niċċeċ u strutturi ġew meqruda – inkluż mafkar li tkisser biċċiet wara li nġibed b’ħabel marbut ma’ vettura.
Minn post imwarrab u zdinkat, Ronnie Gauci kien irnexxielu joħloq ġenna tal-art.
Għaliex dan l-anzjan għażel li jpoġġi l-interess tal-kommunita’ qabel tiegħu, l-awtorita’ uriet sniena u ħarget ponn tal-Ħadid.
