“Qalb tad-deheb tasal ‘il bogħod…b’dieqa kbira nsellimlek.”
Din kienet it-tislima tal-Kap tal-Partit Nazzjonalista fuq il-midja soċjali lill-Ivan Barbara, il-Malti ta’ 47 sena minn Ħal Tarxien li sfortunatament tilef il-battalja mal-virus tal-Covid-19.
Bernard Grech saħaq li bi ftit kliem Ivan kien juri lil ta’ madwaru l-ġentilezza umli li kellu, filwaqt li insista li ħalla din iddinja waqt li kien qiegħed jagħmel ġid kbir.
Ivan Barbara ttestja pożittiv għall-Covid-19 meta aktar kmieni dan ix-xahar flimkien mal-mara tiegħu kienu telgħu l-Indja għal proċess ta’ adozzjoni.
