F’jum tant għażiż għalih, il-Partit Nazzjonalista fi stqarrija maħruġa minn David Agius Viċi Kap tal-PN, Kelliem tal-Oppożizzjoni għall-Inklużjoni u l-Kwalità tal-Ħajja u Viċi President tal-European Union for Christian Democratic Workers (EUCDW) tal-PPE u Jason Azzopardi Kelliem tal-Oppożizzjoni għax-Xogħol, Taħriġ, Kompetittività u Intrapriża;
JSELLEM lill-ħaddiema u lil min iħaddem, lis-sidien tal-fabbriki u tan-negozji, għal ħidmiethom ta’ kuljum u għas-sagrifiċċji personali tagħhom fl-oqsma kollha tad-dinja tax-xogħol f’pajjiżna;
JFAKKAR li kien proprju bħal-lum 17-il sena ilu li bit-tmexxija tiegħu u bl-appoġġ u bil-fiduċja tal-poplu Malti u Għawdxi, ankra lil Malta fil-port ta’ kenn li hija l-Unjoni Ewropea, liema sħubija m’hemmx dubju li ssarfet f’għajnuna imprezzabbli u wens għall-ħaddiema Maltin u Għawdxin hekk kif aħna lkoll ninsabu maħkumin mill-pandemija li ġabet tant tbatija fuq tant ħaddiema u min iħaddem;
JWIEGĦED li bl-istess ħeġġa u fiduċja fil-ħaddiema u min iħaddem, li bihom u magħhom
17-il sena ilu l-PN rebaħ il-qtigħ il-qalb ta’ dawk kollha li ma riedux li Malta tissieħeb fl-Unjoni Ewropea, hekk ukoll f’dan iż-żmien ta’ prova, l-PN, għax qed jifhem il-karba tal-ħaddiema li qed ibatu u ta’ dawk li qed ifittxu x-xogħol, ta’ dawk lì jaħdmu bil-prekarjat u ta’ dawk li tilfu x-xogħol, ikun viċin tagħhom u ta’ spalla soda għalihom;
JĠEDDED l-impenn tiegħu li jagħmel l-almu tiegħu kollu biex ikun il-vuċi tal-ħaddiema u min iħaddem f’pajjiżna sabiex it-tama għal ġejjieni ta’ kwalità ta’ ħajja aħjar tegħleb l-inċertezza u d-diffikultajiet tal-preżent.
//= $special ?>