Fl-aħħar 24 siegħa, il-każi attivi f’pajjiżna żdiedu għal 280.
Dan meta ġew irreġistrati 35 każ ġdid filwaqt li fiequ 16-il persuna.
Dawn in-numri joħorġu minn fost 1,550 swab test li saru fl-aħħar 24 siegħa.
Aħbar pożittiva kienet li fl-aħħar sigħat ħadd ma tilef ħajtu kaġun tal-Coronavirus u b’hekk il-persuni li tilfu ħajjithom bil-virus jibqgħu jammontaw għal 416.
Permezz ta’ post fuq Facebook, l-awtoritajiet tas-saħħa ħabbru li fl-aħħar 24 siegħa ingħataw it-tieni doża tal-vaċċin 500 persuna.
