Hekk kif wara l-Euro 2020 Joachim Low mhux se jibqa’ aktar kowċ tal-Ġermanja, il-favorit li joħodlu postu huwa l-kowċ ta’ Bayern Munich Hans Flick. Ftit jiem ilu Flick ikkonferma li bdew it-taħdiet mat-tim nazzjonali Ġermaniż iżda għandu offerti oħra x’jikkunsidra.
Qabel sar kowċ ta’ Bayern Munich, Flick kien l-assistent kowċ ta’ Joachim Low mat-tim nazzjonali Ġermaniż fejn kien parti mis-suċċess li kisbu fit-Tazza tad-Dinja tal-2014. Ma’ Bayern Munich Flick rebaħ it-tazzi kollha disponibbli għat-tim tiegħu fosthom il-UEFA Champions League, darbtejn il-Bundesliga kif ukoll it-Tazza tad-Dinja tal-clubs.
