Il-Euro 2020 se tibqa’ biss ħolma li ma tistax iseħħ għall-attakkant Skoċċiż ta’ 24 sena, Oli McBurnie. Il-plejer ta’ Sheffield United, ilu ma jilgħab mill-partita tal-Premier League Ingliż, ta’ nhar il-11 t’April, meta kontra Arsenal, McBurnie kiser għadma f’siequ. Illum, l-eks attakkant ta’ Swansea City, b’diżappunt kbir, kiteb fuq Twitter li mhux se jkun qed jilgħab fil-Euro 2020 sforz l-aħħar injury tiegħu.
I’m devastated that I suffered a fractured metatarsal which ruled me out for the rest of the season and has unfortunately ruled me out for the euros. Not to be able to go to that tournament with the boys is heartbreaking for me. Thank you for all your messages and support❤️💙 pic.twitter.com/EatnJSNjde
— Oli McBurnie (@oli_mcburnie) May 17, 2021
“Li ma tkunx tista’ tmur u tilgħab għal dan il-Kampjonat Ewropew mal-bqija ta’ sħabek, għalija hi emozzjoni ta’ qsim il-qalb,” qal b’dieqa kbira Oli McBurnie.
Din l-aħbar tasal jumejn biss qabel il-kowċ tal-Iskozja, Steve Clarke iħabbar uffiċjalment l-iskwadra finali ta’ 26 plejer għall-Euro 2020.
