Uffiċjal ta’ Transport Malta ta’ 60 sena kellu jittieħed l-Isptar Mater Dei sabiex jingħata l-kura meħtieġa wara li s-Sibt filgħodu kien ħebbew għalieh 5 ħaddiema li kienu qed jaħdmu fi triq f’Birkirkara.
Kelliema għal Pulizija spjegaw ma’ Net News li l-każ seħħ fi Triq l-Imdina meta l-uffiċjal kien qed jidderiġi t-traffiku f’zona fejn qed isiru xi xogħlijiet.
Kien hawnhekk li għal xi raġuni nħoloq argument bejn l-uffiċjal u l-ħaddiema – argument li sussegwentament eskala.
Filwaqt li l-uffiċjal ittieħed l-isptar għal aktar kura, bil-kundizzjoni tiegħu s’issa għadha mhux magħrufa – il-Pulizija qed tkellem lil persuni involuti sabiex jassistuha fl-investigazzjoni.
Aktar dettalji fil-ħin li ġej.
