Wara li tħabbret il-lista ta’ 24 ta’ Spanja għall-Euro 2020, Sergio Ramos li tħalla barra minn din l-iskwadra qal li jinsab dispjċut li mhux se jkun qed jirrapreżenta l-pajjiżu dan is-sajf fil-Euro 2020.
Ramos qal li minkejja l-injuries li kellu matul dan l-istaġun ħadem u ġġieled kuljum sabiex jilħaq il-100% għall-club tiegħu Real Madrid u pajjiżu.
Il-coach ta’ Spanja Luis Enrique qal li kienet deċiżjoni diffiċli ferm għalih li jħalli lil Ramos barra mill-iskwadra għaliex huwa professjoni u bl-esperjenza tiegħu setgħa jgħin bil-bosta lill-bqija tat-tim.
Sergio Ramos huwa l-aktar player fl-Ewropa li qatt lagħab għal pajjiżu u jinsab erba’ partiti bogħod biex isir l-aktar player li qatt lagħab għal pajjiżu fid-dinja. Ramos rebaħ ukoll it-Tazza tad-Dinja u darbtejn il-Kampjonati Ewropej ma’ Spanja
