Eluf ta’ ritratti ta’ nisa meħuda minn kameras sigrieti mqiegħda f’toilet femminili nstabu fuq l-apparat elettroniku ta’ Albert Buttigieg, li huwa akkużat b’ħasil ta’ flus. Din ix-xhieda xokkanti ngħatat fil-qorti nhar hekk kif tkompla l-każ kontra Buttigieg u Florinda Sultana.
It-tnejn huma akkużati b’ħasil ta’ fondi illeċiti permezz ta’ żewġ ristoranti li kienu jmexxu fil-Belt Valletta u Marsaxlokk. Sultana hija t-tifla tal-eks futboler tat-tim nazzjonali Malti Darren Debono, li qed tiffaċċja proċeduri separati għall-ħasil tal-flus u l-kuntrabandu tal-fjuwil.
L-espert tal-qorti Martin Bajada, inkarigat li janalizza l-apparat elettroniku maqbud mill-pulizija mill-akkużat, qal li sab madwar 14,000 ritratt li dehru ġejjin minn kameras moħbija fit-tojlits femminili. L-espert ma speċifikax jekk il-kameras sigrieti tpoġġewx fit-tojlits tar-ristoranti.
Bajada xehed li 32 apparat kien jinkludi 28 apparat ta’ USB, micro SD cards, telefowns ċellulari u laptops ġew analizzati. Huwa qal li waqt l-investigazzjoni nstabu madwar 14,000 ritratt minn kamera moħbija fil-kamra tal-banju tan-nisa. Ix-xhieda ħalliet lill-Maġistrat Donatella Frendo Dimech viżibilment ixxukkjata u fl-istess ħin perplessa u ordnat lill-Kummissarju tal-Pulizija jinvestiga d-dejta.
Florinda Sultana ta’ 29 sena u Butigieg, eks uffiċjal ta’ livell għoli tal-Bank BNF huma akkużati li ttrasferew assi lill-kumpaniji li kienu jmexxu ż-żewġ li jispeċjaliżżaw fil-ħut Porticello , li huwa l-eks-ristorant Scoglitti, fil-Belt Valletta u Capo Mulini f’Marsaxlokk biex jaħslu l-flus marbuta mal-kuntrabandu taż-żejt .
Anke impjegati li ħadmu fiż-żewġ ristoranti xehdu wkoll fil-każ. L-eks Chef de Partie Alessandro Dipieroi, li ħadem fi Scoglitti qabel ma ġie ttrasferit f’Porticello, qal li kien imħallas b’ċekkijiet. Huwa kkonferma li Florinda Sultana kienet tamministra r-restorant Scoglitti, u Albert Butigieg, jamministra lil Capo Muglini.
Impjegati oħra, li ħadmu wkoll fil-kċina tar-ristoranti bħala koki, jew bħala wejters, xehdu dwar il-maniġment tagħhom. Ilkoll ikkonfermaw li tħallsu permezz ta’ ċekkijiet. Xehed ukoll il-Perit Claude Mallia li kien imqabbad minn Darren Debono u Daimer Goodlip għal modifiki interni fir-ristorant Capo Mulini.
Huwa qal li l-applikazzjoni tressqet f’Settembru 2017. Għall-akkużati dehru l-avukati Stefano Filletti u Martina Cuschieri. Il-prosekuzzjoni qed titmexxa minn mill-Ispetturi Joseph Xerri, James Turner u Omar Caruana. Huma kienu assistiti mill-avukati Antoine Agius Bonnici u Cinzia Azzopardi Alamango mill-Uffiċċju tal-Avukat Ġenerali.
