Raġel ta’ 56 qed isofri feriti gravi wara li ntlaqat minn karozza, f’inċident fi Triq ix-Xatt, il-Gżira. L-inċident seħħ ilbieraħ għall-ħabta tas-6pm.
Kollox qed jindika li r-raġel, residenti l-Gżira ntlaqat minn karozza misjuqa minn raġel, Eġizzjan ta’ 51 sena residenti Tas-Sliema.
Tim mediku ta l-ewwel għajnuna fuq il-post u ambulanza ħadet lir-raġel ta’ 56 sena l-Isptar fejn hemm ġie ċċertifikat li sofra ġrieħi gravi.
L-investigazzjonijiet tal-Pulizija dwar dan l-inċident għadhom għaddejjin.
