Il-Federazzjoni Maltija tax-Xagħar u s-Sbuħija qalet li l-liġi ta’ pajjiżna għadha tqis ix-xogħol bħal parrukkiera, dawk tad-dwiefer, tas-sbuħija, fost oħrajn bħala passatemp minflok xogħol professjonali. B’hekk, huma qed jitolbu lil Gvern biex jieħu azzjoni immedjat, liema talba diġa’ ġiet injorata wara proposta li bagħatu lill-Prim Ministru nnifsu.
Din il-liġi preżenti qed twassal biex fost l-oħrajn, il-konsumatur isibha ferm iktar diffiċli biex jagħmel rapport meta ma jkunx sodisfatt bix-xogħol li jkun sar u tħallas għalih.
