L-intermedjarju Melvin Theuma qal li individwu involut fil-kamp tal-mażunerija kellu jħallas lil Vince Muscat, il-Koħħu €100,000 għall-qtil ta’ Daphne Caruana Galizia. Theuma kien qed jixhed fil-kumpilazzjoni tal-provi kontra Yorgen Fenech mixli bil-qtil tal-ġurnalista Daphne Caruana Galizia.
F’seduta li damet sejra għal aktar minn ħames sigħat Ii-qorti kompliet tisma’ recordings ta’ konversazzjonijiet li Theuma kellu mas-sieħeb fin-negozju ta’ Fenech, Johann Cremona. Waqt li espanda fuq ir-recordings, Theuma xehed li individwu, li ma jistax jiġi identifikat fuq ordni tal-qorti, kellu jgħaddi € 100,000 lil Muscat. Il-flus allegatament ġew minn mażun u kienu ħlas għall-qtil ta’ Caruana Galizia.
Madankollu, il-flus qatt ma twasslu għax eventwalment Muscat ġie arrestat u akkużat bil-qtil ta’ Caruana Galizia flimkien mal-aħwa Alfred u George Degiorgio. Theuma insista fil-qorti li ma kellux għarfien dirett ta’ din it-tranżazzjoni u sar jaf biha biss permezz ta’ Cremona.
L-implikazzjoni hija li seta’ kien hemm persuni oħra li ħallsu biex Caruana Galizia tinqatel, minbarra Fenech, li Theuma dejjem identifika bħala l-uniku moħħ magħruf minnu. “Johann qalli ‘persuna’ kienet tqabbdet biex jgħaddu €100,000 lil Koħħu,” qal Theuma lill-qorti.
Theuma żied li Cremona kien sostna li l-persuna ikkawżalu ħafna ħsara u dan billi identifika lil Theuma u tkellem mal-Europol u l-familja Caruana Galizia. F’recording ieħor li nstema’ fil-qorti, Theuma sostna li dan kien ħaġa waħda ma’ Cardona, li huwa mifhum li kien l-eks ministru tal-ekonomija Chris Cardona.
Theuma speċifika fil-qorti li dan (il-persuna) kien viċin Cardona u il-Koħħu tefa’ d-dawl biex “jipproteġi lil dawk li kkummissjonawh”. Ix-xhud qal ukoll li Cremona kien qallu biex iwaħħal il-qtil fuq Cardona, anke jekk hu T(heuma) ma kienx jaf lill-eks ministru u lin-nies qrib tiegħu.
Theuma xehed ukoll kif Fenech kien “agħar minnu” wara l-qtil u rrikorra għall-kokaina għal serħan il-moħħ. F’waħda mill-konversazzjonijiet irreġistrati, Theuma qal lil Cremona li Fenech mhux se jġib lura lil Caruana Galizia billi jirrikorri għal kokaina.
Theuma qal li referenza fir-recording għal “Fredu”, kien li Fenech jgħidlu biex iġib lil Alfred Degiorgio biex ikompli bil-qtil. Lejn l-aħħar tas-seduta, Theuma kien mwissi mill-maġistrat għax-xhieda konfuża li kien qed jagħti fejn ma kien konsistenti xiejn.
Il-Maġistrat Rachel Montebello wissietu li xhieda falza kienet reat. Aktar kmieni, espert mill-Europol xehedet dwar il-proċedura użata biex tiġi estratta d-dejta mill-mowbajls ta’ Fenech konfiskati mill-pulizija. Dan kollu ħareġ meta l-Qorti preseduta mill-Maġistrat Rachel Montebello issoktat bil-kumpilazzjoni ta’ Yorgen Fenech sitt ġimgħat wara li kienet ċaħdet it-talba għal libertà proviżorja tiegħu.
Fenech huwa akkużat b’kompliċità fl-assassinju tal-ġurnalista Daphne Caruana Galizia. L-aħħar seduta kienet saret fl-16 ta’ April. Daphne Caruana Galizia, ġurnalista investigattiva, kienet mietet fi splużjoni ta’ karozza bomba barra d-dar tagħha fil-Bidnija f’Ottubru 2017.
Julia Toma, minn Ċipru bdiet tagħti x-xhieda u titkellem dwar ir-rwol tagħha fil-każ. Hija tagħat dettalji fil-qosor dwar ix-xogħol tagħha fejn qalet li ilha 15-il sena esperta forensika fis-settur tal-infurzar tal-liġi u issa taħdem f’laboratorju forensiku diġitali.
Hija qalet li kienet mogħtija struzzjonijiet biex tibda x-xogħol forensiku fuq l-esebiti fit-22 taNovembru 2019. Kienet f’The Hague u ġiet mogħtija l-esebiti minn kollega. Kienu żewġ mobajls b’żewġ SIM cards. Wieħed minnhom kien iPhone bi SIM card.
Ix-xhud spjegat kif marret tipprova tagħmel estrazzjonijiet sħaħ. Imbagħad f’ħin minnhom qalulha biex tieqaf, ordni li ngħatat mill-maniġer tal-linja tagħha. Hija spjegat ukoll kif estrazzjoni parzjali tfisser informazzjoni li tiġi estratta qabel ma l-apparat jinfetaħ. Imbagħad ladarba jiksbu l-password, jipproċedu biex jippruvaw jiġbdu aktar.
Kompliet tfiehem kien kif it-telefon ġie eżaminat fil-kamra li jgħidulha Faraday, fejn m’hemm l-ebda sinjali (signals) tar-radju jew mobajls u tpoġġa fuq iċ-charge. Il-card kienet barra l-mobajl imma wkoll fil-kamra. Hi sabet il-password fid-9 ta’ Jannar 2020 u kienet qed tipprova tagħmel l-estrazzjoni sħiħa meta qalulha biex tieqaf u tgħaddih lil kollega ieħor, Giuseppe Totaro.
Ix-xhud qalet li l-istess kwistjoni tapplika għaż-żewġ apparati. Hija bdiet b’estrazzjoni parzjali iżda ma setgħetx tipproċedi għal estrazzjoni sħiħa fuq it-tieni mobajl. Allura ħallietha fil-kamra Faraday bit-tama li tikseb verżjoni ġdida ta’ għodda forensika. Iżda f’ċertu punt qalulha biex tieqaf, anke fuq it-tieni mobajl.
Hija qalet li ntalbet tieqaf bejn Ottubru u Novembru 2020, iżda ma tfakkarx id-data eżatta. Id-difiża tqajjem kwistjoni li huma kienu mgħarrffa dwar li kienet se tixhed din ix-xhud inqas minn 24 siegħa qabel. Għalhekk kien impossibbli għalihom li jħejju għall-kontro eżami tagħha, qal l-avukat Charles Mercieca.
Il-maġistrat qalet li x-xhud se jkollha tirritorna biex tixhed, fejn hawn tagħat id-dettalji tal-lista tas-seduti skedati għal Ġunju, li se jkunu fit-3, 8, 9 u 16. Arnaud qal li huwa minnu li nforma lid-difiża nhar it-Tnejn, iżda qal li l-isem tal-espert ġie żvelat “xhur ilu” u fil-fatt, l-avukati nfushom kienu talbu biex tixhed. Huma kienu jafu isimha u r-rwol tagħha, huwa qal. Ix-xhud tgħid li l-persuna li qaltilha biex tibda u tieqaf taħdem fuq l-esebiti tal-mobajls kien Donatas Mazenga.
Wara ssejjaħ biex jixhed Melvin Theuma. Arnaud informa lill-maġistrat dwar il-formazzjoni tax-xhieda futura fis-seduti futuri li jinkludu lil Vince Muscat u Johann Cremona. Sadanittant il-Maġistrat Montebello issemmi tmien persuni li jistgħu jissemmew fir-recordings, li l-media ma tistax tiżvela.
Fir-recordings Melvin Theuma jikkonferma huwa kien qed jitkellem ma’ Johann Cremona, li kien assoċjat fin-negozju ta’ Yorgen Fenech fejn f’ħin minnhom Cremona jinstema ‘jsemmi “spettur’ u “l-persuna kienet għamlet żball.” Cremona instema’ jgħid: “Meta t-Times ċemplulil Keith, qalilhom …” wara xi ħsejjes vuċijiet, jinstema’ mbagħad “il-Koħħu” – u wara għajjat u storbju bi Cremona jgħid “dawn imgienen”.
Cremona instema ‘jgħid: “Jekk jikkommetti foul, kollox jaqa’, il-pjan jispiċċa.” U aktar tard: “Inqas paroli aħjar”. Jinstem’a wkoll xi dagħa u ħafna ġuramenti li jkomplu jagħmlu il-konversazzjoni rrekordjata bejn Theuma u Cremona anqas ċara.
Theuma qal li l-konversazzjoni saret fl-2019 fl-uffiċċju ta’ Cremona f’Ħal Qormi qabel l-arrest tiegħu (ta’ Theuma) f’Novembru. Theuma sostna li Cremona kien urieh karta A4 ittajpjata bi spazju fil-kliem imma jgħid li ma setax jagħraf xi tfisser. “Nemmen li ġiet mill-uffiċċju ta’ avukat,” huwa qal. Apparentement kienet dwar in-negozjar tal-Koħħu, li ma kienx aċċetta sentenza ta’ 12-il sena ħabs biex jiżvela kollox dwar Melvin Theuma.
Arnaud staqsa lil Theuma għaliex qabel mat-teorija ta’ Cremona dwar il-Koħħu jekk hu ma jemminx li kien problema. “Minħabba li hu dejjem ħareġ b’xi waħda ġdida,” wieġeb Theuma. U Johann Cremona kien qal lil Theuma wkoll “hemm tnejn oħra bħalek [intermedjarji] u int tafhomit-tnejn.” U Johann kien qal ukoll li wieħed minn dawk it-tnejn huwa marbut mal-eks Ministru tal-Ekonomija Chris Cardona, qal Theuma. Arnaud staqsa lix-xhud “Staqsejt lil Johann xi ried ifisser?” Theuma jwieġeb, “Le”.
Theuma qal li Cremona ssuġġerixxa wkoll li jeżisti mod għalih biex jevita l-arrest. Imma kien jibdel ukoll il-verżjoni tiegħu – xi drabi jgħid li Theuma se jiġi arrestat minħabba ħasil ta’ flus, imbagħad imħatri illegali. Cremona sostna wkoll li kellu nies lesti biex jheddu lill-familja tal-Koħħu, qal Theuma.
Arnaud u l-maġistrat deheru perplessi għax matul ir-recording, kull meta Johann Cremona jgħid lil Theuma xi ħaġa, Theuma twieġeb, “mela”. Jidher li kie qed jaqbel ma’ Cremona fuq xhiex kien qed jitkellem. “Huwa biss li għandi l-vizzju li ngħid dik il-kelma -‘mela’,” spjega Theuma.
Qal li l-karta allegatament ġiet mill-uffiċċju tal-Avukat Ġenerali. Cremona wera lil Theuma l-karta. “Ċensu huwa l-problema” qal Cremona. “Eżattament!” Theuma wieġeb. Madankollu Theuma jgħid li hu dejjem emmen li l-Koħħu ma seta’ jiżvela xejn dwar Theuma għax qatt ma kellhom diskussjonijiet rilevanti. Melvin Theuma jgħid li Johann Cremona kien qallu li ż-żewġ intermedjarji l-oħra “kienu ta’ Cardona”.
Wara li l-avukat difensur Charles Mercieca aktar qabel kien interrompa x-xhieda ta’ Theuma u ġie mwissi mill-qorti huwa kellu twissija oħra għax reġa għamel l-istess u dwar dan il-maġistrat sabitu ħati ta’ disprezz lejn il-qorti. Huwa ġie mmultat €150, bil-qorti twissih li l-pass li jmiss ikun li jintbagħat barra mill-awla qorti u l-proċeduri jkomplu mingħajru.
Kien hemm referenza għal Cardona fir-recording bejn Theuma u Cremona. Theuma jgħid li Cremona kien ordnalu biex jgħid li l-aħwa Degiorgio kienu qalu lil Theuma biex jgħid li kien ġie kkuntrattat minn Cardona. “Imma dak ma kien veru xejn!” Qal Theuma. “Johann semma lil Cardona diversi drabi u Yorgen għamel dan ukoll. Imma naħlef li ma kelli xejn x’naqsam ma’ Cardona jew ma’ xi wieħed mill-familja tiegħu. Johann kontinwament insista li Cardona kien involut”. “Huma” qaluli li kien hemm xi recording”, qal Theuma.
“Yorgen qalli li l-aħwa Degiorgio kienu sejrin lura Kordin wara l-qorti u ġew u kien qed jingħad li qalu li se jitfgħu kollox fuq Cardona,” qal ix-xhud li tenna li madankollu ma jafx iktar. Issa qed jgħid li ismu ssemma lill-familja ta’ Daphne Caruana Galizia, lill-Europol u li anke lit-Times of Malta, kellha tippubblika ismu bħala l-moħħ “Imma dak ma kienx dak li qalet Times dak in-nhar. Anzi qalu li l-moħħ kien negozjant,” kompla Theuma.
Issa Theuma qal li Cremona qallu persuna (isem ipprojbit) ġiet inkarigata mill-mażunerija biex torganizza l-qtil ta’ Daphne Caruana Galizia. Din il-persuna allegatament tat xi 100,000 ewro lil Koħħu. Theuma huwa mistoqsi dwar iż-żewġ allegati intermedjarji. Huwa jgħid li Johann Cremoa darba wrieh ritratt ta’ raġel li identifika bħala wieħed mit-tnejn, iżda Theuma ma kienx ċert jekk kienx wieħed mit-tnejn.
Theuma qal li l-Koħħu ma seta’ jxerred xejn fuqu. “Kull ma seta’ jgħid kien li ra lili nitkellem ma’ il-Fulu” , b’referenza għal Alfred Degiorgio, imma xejn iżjed. Theuma qal li Mario Degiorgio, li jiġi ħu ż-żewġ allegati qattiela ta’ Daphne Caruana Galizia kien qallu li kien hemm kamera eżatt barra l-appartament tiegħu, li tirreġistra konversazzjonijiet li seħħew ġewwa l-appartament.
Theuma qal li Johann Cremona qallu li jekk il-Koħħu “jikkommetti fawl” jaqa’ kollox, “anke l-ħasil tal-flus.” Cremona qal li Kenneth Camilleri, dak iż-żmien uffiċjal tas-sigurtà fl-Uffiċċju tal-Prim Ministru, kien ġablu l-informazzjoni. Cremona kien jgħid lil Theuma li “dejjem” kiseb informazzjoni mingħand Kenneth.
Fir-recording, Cremona jgħid lil Theuma li kien se jsir jaf kollox immedjatament minn “ħafna nies” u “anke minn Kenneth.” “Min kienu l-‘ħafna nies ‘li taw informazzjoni lil Johann?” staqsiet l-maġistrat. “Kenneth u Ray Aquilina. Jekk niftakar lil ħaddieħor ngħidlek,” wieġeb Theuma.
Il-maġistrat bdiet titlef il-paċenzja ma’ Theuma fuq l-identitajiet ta’ ħafna nies. “Kenneth ħa informazzjoni mingħand Keith,” qalTheuma. Il-maġistrat hawn tiwissih biex jgħid il-verità kollha u biex jikxef minnufih xi ismijiet. Hija tgħid li jekk aktar tard jiġi skopert li huwa żamm l-informazzjoni, huwa jiġi mħarrek għal sperġur.
“Jekk ma tirrispettax it-termini tal-maħfra tiegħek, int se tintbagħat isfel għal-lockup għal 24 siegħa sakemm iġġedded il-memorja tiegħek!” hija saħqet. Theuma jagħmel referenza għal allegat tapping tat-telefon. Jgħid li t-telefon tiegħu ġie tteppjatmeta tkellem ma’ xi ħadd u qal li kien se jmur għand il-kummissarju tal-pulizija u jiżvela kollox dwar Fenech. Cremona kien jaf id-dettalji ta’ dan it-tapping tat-telefon u f’ħin minnhom qallu li mhux se jkun hemm “xejn minn dan l-inkwiet”.
Wara nstema’ recording ieħor li kienet titatta konversazzjoni oħra bejn Cremona u Theuma. “Int is-suspettat ewlieni,”jgħid Cremona f’ħin minnhom. Theuma jinstema ‘ għid li “ħejja kollox.” Huwa saħansitra kiseb dikjarazzjoni bankarja tal-2004. “Huwa muntanja, jien ġebla żgħira,” jgħid Theuma fir-recording, possibilment jirreferi għal Yorgen Fenech.
Theuma jidher imħasseb dwar l-arrest tiegħu waqt li Cremona jfittex li jserraħlu rasu. Fir-recording, iż-żewġt irġiel jitkellmu dwar Yorgen Fenech. Theuma jgħid li kien Fenech li l-ewwel ried il-qtil, u persistentement qallu, “mur għid lil Fredu, mur għid lil Fredu biex joqtolha”. Fredu huwa possibilment referenza għal Alfred Degiorgio, wieħed mill-allegati qattiela.
Fir-recording, Theuma jgħid li huwa kien elenka l-oġġetti kollha tiegħu u ġabar flimkien id-dikjarazzjonijiet bankarji kollha tiegħu li jmorru lura għall-2004. Huwa jgħid li se jiċċarġja l-ispejjeż kollha lil Yorgen Fenech minħabba li “din il-kwistjoni kienet kollha minħabba fih.”
Is-Supretendent Arnaud staqsa lil Theuma dwar ir-recording li għadu kemm instema’ fil-qorti. Theuma qal li din il-konversazzjoni ġiet irreġistrata wkoll fl-uffiċċju ta’ Cremona f’Ħal Qormi. Cremona kien qal lil Theuma li kien is-suspettat ewlieni.
Theuma jixhed li qal lil Cremona li Fenech kien “agħar” għax kien “irrikorra għall-kokaina”. Theuma qal ukoll li ġie mwiegħed li d-data tal-arrest li jmiss tiegħu se tiġi mis-Supretendent Ray Aquilina. Iżda Theuma jgħid li meta ġie arrestat, huwa qatt ma ltaqa ’ma’ Aquilina fid-depot. Anzi, huwa kien qal lil spetturi oħra li ma xtaqx jiltaqa’ ma’ Aquilina għax ma kienx jafdah.
Theuma qal lil Cremona li l-kummissarju tal-pulizija Lawrence Cutajar kien qallu li se jiġi arrestat għal reati ekonomiċi, qtil, ħasil ta’ flus, użura u mħatri illegali. “Imma jien blaffjatmeta għidt li kien il-kummissarju li kien qalli dan,” issa spjega Theuma.
“Aktar b’saħħitna mill-kummissarju”
Huwa qal li Cremona kien qed ibiddel il-verżjoni tiegħu dwar l-arrest tiegħu tant li Theuma ddeċidiet li jittestjah billi sostna li għandu informazzjoni mill-kummissarju tal-pulizija. Cremona kien irribatta: “Dan mhux minnu. Aħna aktar b’saħħitna mill-kummissarju.”
Theuma jgħid: “M’inix hawn biex nigdeb. Jien hawn biex ngħid il-verità. Alla biss jaf dak li kont għaddej minnu dak iż-żmien! Kienu jilagħbu miegħi, bħal ballun tal-futbol. Jien kont qed nixrob u kont għaddej minn taqlib mentali kbir,” huwa qal.
Theuma jfakkar fi żmien, li kien it-Tnejn, meta ltaqa ‘ma’ Yorgen Fenech f’Portomaso. Fenech kien għaddielu €20,000 u qallu li l-kummissarju tal-pulizija kien qal li Theuma se jiġi arrestat. Theuma ssuġġerixxa li Fenech għandu jkellem lill-kummissarju iżda Fenech irrifjuta dak is-suġġeriment.
Yorgen Fenech, imprenditur ta’ 39 sena li qabel ġie arrestat kien jgħix f’Portomaso, f’San Ġiljan, qed jiġi mixli li organizza jew iffinanzja reat kriminali u li assoċja ruħu ma’ persuni biex iseħħ delitt fis-16 t’Ottubru 2017 u fil-ġranet, ġimgħat u snin ta’ qabel. Fenech qed iwieġeb mhux ħati tal-akkużi miġjubin kontrih.
Cremona qal lil Theuma li huwa ġab “żewġ persuni” biex jheddu lil Koħħu u lill-familja tiegħu biex ma jistqarrux kollox dwar Theuma, huwa qal lill-qorti. “Qatt qallek għaliex?” staqsiet il-maġistrat. “Le” u hu qatt ma identifika isimhom. Huwa qal li l-Koħħu kien mhedded ukoll li jissalvagwardja lil Cardona minn żewġ persuni li kienu konnessi mal-eks ministru tal-ekonomija.
Theuma jiddeskrivi ‘bluffing’ lil Cremona li l-kummissarju tal-pulizija kien qallu li l-Europol kien involut fl-investigazzjoni. Huwa jgħid li Cremona qallu wkoll darba li l-Europol ried jisraq it-telefon ta’ Fenech minn “xi post fl-Ingilterra.” “
Arnaud jirritorna għall-allegazzjonijiet ta ‘involviment tal-mażunerija. Theuma jgħid li Cremona qallu li persuna (isem ipprojbit) kienet inkarigata mill-mażunerija biex tinqatel lil Daphne Caruana Galizia. Dan kien qed jaġixxi kontra l-gvern u l-oppożizzjoni.
“Kont taf lil din il-persuna?” Arnaud jistaqsi lil Theuma. “Iva, imma hu qatt ma qalli xejn,” huwa jgħid. Theuma jgħid li ġie mwiegħed lista tal-postijiet li kellhom jiġu rrejdjati u li l-qraba tiegħu se jiġu meħlusa. Imma xejn ma mmaterjalizza, huwa qal u tenna li kien qal lil Edwin (il-Goja), li jaf lilll-kummissarju tal-pulizija, biex jitolbu biex jiffranka lill-qraba tiegħu fir-rejd.
Johann kien qal lil Theuma f’mill-inqas żewġ okkażjonijiet li persuna bla isem kienet ġabet €100,000 mill-mażunerija biex qatlet lil Daphne Caruana Galiza. Huwa ma kienx għadda l-flus lil Koħħu għall-qtil. Minn verfika oġra tar-recording kien affermat li kienet dikjarazzjoni minn Cremona u Melvin qabek miegħu. It-tweġiba tiegħu fuq tejp timplika li kien jaf li l- €100,000 ma kinux ingħataw lil Koħħu. “Jien biss mort flimkien miegħu. Kif nista ‘nagħmel mod ieħor?” qal ix-xhud. Huwa jgħid li l-flus ma ngħatawx lil Koħħu għax ġie arrestat.
Il-maġistrat takkuża lil Theuma li qed iħawwad. Theuma jgħid li huwa għajjien. “Hemm verità waħda biss. U jekk qed tgħid il-verità, ma tbiddilx il-verżjoni tiegħek,” twissih l-maġistrat. Hawn qam argument sħun bejn il-prosekuzzjoni u d-difiża.
Arnaud jirrimarka li d-difiża ilha tgħaddi kummenti b’mod persistenti, ttektek bil-karti, u ttellef waqt il-proċeduri. L-Avukat Charles Mercieca jakkuża lil Arnaud li huwa iktar inkwetat dwar id-difiża minn dak li qed jgħid ix-xhud tiegħu stess taħt ġurament, f’termini tal-maħfra mogħtija fuq il-parir tiegħu. Il-maġistrat tgħid li l-ġesti u l-kummenti mhumiex permissibbli.
Meta reġa daħal lura fl-awlaTheuma issa sostna li dakinhar qabel ir-recording, Cremona kien qallu li l-persuna ma rnexxilhiex tgħaddi l-flus tal-mażunerija lil Koħħu minħabba likien ġie arrestat. Huwa reġa’ waħħal fil-konfużjoni tiegħu minħabba li huwa għajjien. Arnaud ikompli: “X’taf iktar dwar din il-persuna, tal-mażunerija, du fuq il-€100,000?” Theuma jwieġeb: “Xejn aktar. Ma naf xejn. Dak li qalli Johann biss.”
Arnaud staqsa: “Int għedt lil Johann,’ Jien għandi ċ-ċavetta ‘. Din xi tfisser?” Theuma jgħid li Cremona kien assigurah li Raymond Aquilina qatt ma kien se jarrestah. Arnaud ippressa lil Theuma dwar għaliex insista fuq lista ta ‘postijiet li għandhom jiġu rrejdajati anke jekk kien assigurat li mhux se jiġi arrestat. Għaliex ma ċċarajtx il-kwistjoni? Theuma qal li ddispjaċih li ma għamilx iktar mistoqsijiet.
Theuma qal li l-fatt li ma ġiex arrestat qabel ġiegħlu jemmen li kien qed jiġi megħjun, minn Cremona, minn Fenech u minn Keith. “Kieku ma kienx hemm għajnuna, kieku ilhom li rranġawni għal frisk” jgħid Theuma fir-recording. Arnaud issa jistaqsi dwar biċċa oħra tar-recording fejn Theuma qal lil Cremona dwar l-istat ta’Fenech. Theuma kien induna li Fenech kien qed jieħu ‘kokaina’. “M’għandekx bżonn dak. Dan mhux se jġibha lura (Daphne Caruana Galizia) lura, “Theuma kien qal lil Fenech.
Theuma qal li kien ta parir lil Fenech għax riedu “ikun b’saħħtu.” Hekk kif ra lil Yorgen Fenech ġej u sejjer barra minn Malta għal programmi ta’ rijabilitazzjoni, huwa qallu li kienet ħaġa tajba li Keith Schembri kien ħa “affarijiet f’idejh.” Mario Degiorgio kien qal ukoll lil Theuma li l-pulizija kienu bagħtu għal ħutu għal test tad-DNA, marbut ma’ xi każ ieħor “tmien snin ilu,” iżda ma kienx jaf liema każ.
Theuma wkoll ipprova jirrekordja lil Kenneth Camilleri biex ikollu iktar evidenza. Huwa offra flus biex issolvi l-affarijiet. Imma Kenneth ma riedx flus. Huwa qal lil Cremona li “dak li għamlu ma kienx għall-flus iżda biex jagħlqu l-kwistjoni għal kulħadd, jiġifieri Theuma, Fenech u wkoll Schembri, qal Melvin Theuma.
Id-difiża indikat bosta eżempji ta’ Theuma li biddel il-verżjoni tiegħu tal-avvenimenti. L-Avukat Charles Mercieca qal li Theuma kienet eskluda lil Keith Schembri sena ilu. Issa jidher li biddel il-verżjoni tiegħu. Illum, huwa wera wkoll b’mod inkonsistenti meta semma “ħafna nies” li ħarġu informazzjoni. Imbagħad semma tliet persuni. U kien ukoll inkonsistenti fuq il-ħlas ta’ €100,000 mogħtija lil Koħħu minn dik il-persuna bla isem.
Il-prosekuzzjoni qalet minn naħa tagħha li n-nies għandhom iżommu f’moħħhom li Theuma qed jirrakkonta episodji li seħħew fuq medda ta’ entejn. Huwa saħaq li l-inkonsistenzi huma fuq dettalji minuri.
Fenech jiġi mixli wkoll li pparteċipa b’mod attiv fl-attivitajiet kriminali tal-għaqda, u mhux limitat għall-għoti ta’ nformazzjoni jew ta’ meżżi materjal jew reklutaġġ ta’ membri ġodda, meta kien jaf l-għan jew l-attività b’mod ġenerali tal-għaqda stabbilità.
Li rrenda ruħu kompliċi ma’ terzi persuni li dolożament bil-ħsieb li joqtlu persuna, cioe lil Daphne Caruana Galizia, jew li jqiegħdu l-ħajja tagħha f’periklu ċar, ikkaġunawlha l-mewt. Kif ukoll li f’Malta assoċja ruħu ma’ xi persuna jew persuni f’Malta jew barra minn Malta bil-għan li jwettaq delitt f’Malta li għalih hemm piena ta’ priġunerija.
Akkuża oħra tgħid li rrenda ruħu kompliċi ma’ terzi li dolożament, b’sustanza splussiva wettqu splużjoni li kkaġunat il-mewt ta’ Daphne Caruana Galizia jew li setgħet tqiegħed f’periklu l-ħajja ta’ ħaddieħor jew tagħmel ħsara gravi lil ħwejjeġ ħaddieħor.
L-Avukati Gianluca Caruana Curran, Marion Camilleri u Charles Mercieca qed jidhru għal Yorgen Fenech. L-Avukati Jason Azzopardi u Therese Comodini Cachia qed jidhru għall-familja Caruana Galizia filwaqt li l-Avukati Philip Galea Farrugia u Anthony Vella qegħdin jirrappreżentaw lill-uffiċċju tal-Avukat Ġenerali bil-Prosekuzzjoni titmexxa mis-Supretendent Keith Arnaud u l-Ispettur Kurt Zahra. Il-kumpilazzjoni tkompli nhar it-Tnejn, 31 ta’ Mejju fl-10.00am.
