Il-UEFA ċaħdet l-appell tad-difensur tar-Repubblika Ċeka Ondrej Kudela wara li kien sospiż 10 partiti wara li nstab ħati li għadda kummenti razzisti fil-konfront tal-player ta’ Rangers Glen Kamara fil-partita mill-UEFA Europa League f’Marzu li għadda.
Il-coach tar-Repubblika Ċeka ħalli post għad-difensur hekk kif l-appell tiegħu kien se jinstema’ fil-jiem sussegwenti, bid-deċiżjoni tal-UEFA tkun li s-sospensjoni tibqa’ fis-seħħ u b’hekk il-player huwa ineliġibbli għall-Euro 2020.
Fi stqarrija li kien ta lill-pulizija Skoċċiża, Kudela kien qal li kien dagħa fil-konfront ta’ Kamara iżda ma użax kliem razzist.
