Wara li l-ġimgħa l-oħra rapporti fil-midja Ingliża kienu qed jindikaw li Bale se jirtira fi tmiem l-istaġun 2021/22, jidher li dan se jseħħ sena qabel, hekk kif se jkun qed jirtira mill-futbol kompletament wara l-Euro 2020. Jidher li Bale irid jitbiegħed mill-futbol minħabba l-pressjoni li jġib fuqu u fuq il-familja tiegħu.
Bale qed jikkunsidra li jirtira mill-futbol u jibda karriera professjonali fil-Golf. Biex jagħmel dan Bale mistenni jinħall mill-kuntratt tiegħu ma’ Real Madrid sena qabel jispiċċalu l-kuntratt, bl-istess Bale jitlob madwar nofs it-£13 miljun salarju għat-terminazzjoni tal-kuntratt. Dan l-istaġun Bale lagħab ma’ Tottenham Hostpsurs fl-Ingilterra fejn skorja 11-il gowl fl-20 partita li kien involut fihom.
