Fil-jum li kellu jkun imsejjaħ għall-ewwel darba mat-tim nazzjonali Ingliż, fl-iskwadra proviżorja ta’ 33 player għall-Euro 2020, il-midfielder ta’ Crystal Palace Ebere Eze sofra injury serja fl-parti t’isfel tas-sieq li tista’ tħallih barra sas-sena d-dieħla.
Il-midja Ingliża rrappurtat kif il-midfielder ta’ 22 sena rċieva notifika waqt li kien dieħel fid-dressing room fejn kien mgħarraf li kien se jkun wieħed mit-33 player magħżula minn Gareth Southgate. Eze fil-passat lagħab għat-tim nazzjonali Ingliż ta’ taħt il-21 sena fejn impressjona kif għamel ukoll dan l-istaġun ma’ Crystal Palace fil-Premier League.
