Id-difensur internazzjonali Taljan Giorgio Chiellini mistenni jirtira minn mat-tim nazzjonali wara l-Euro 2020.
Chiellini li għandu 36 sena kien strumentali fid-difiża Taljana għal bosta snin. F’intervsta ma’ gazzetta Taljana, Chiellini qal li minkejja li dan jaf ikun l-aħħar tournament internazzjonali tiegħu xorta jinsab entużjast sabiex jilgħab u qal li jemmen li t-tim Taljan taħt it-tmexxija ta’ Roberto Mancini jista’ jasal ħafna.
Mal-Italja, Chiellini lagħab 106 partita fejn skorja tmien gowls. Hu kien ukoll parti mill-iskwadra li waslet sal-finali tal-Euro 2012. Chiellini mistenni wkoll iġedded il-kuntratt tiegħu b’sena ma’ Juventus hekk kif il-coach il-ġdid Massimiliano Allegri qal li għandu bżonnu għal staġun ieħor.
