Il-coach ta’ Newport County Michael Flynn se jkun qed jitlob lill-FA ta’ Wales sabiex l-iskwadra għall-Euro 2020 titħabbar it-Tnejn filgħaxija minflok il-Ħadd. Dan minħabba li player minn ta’ Newport, Josh Sheehan jista’ jkun inkluż fil-lista ta’ 26 player ta’ Wales.
Nhar it-Tnejn Newport jilagħbu fil-finali tal-Play-Off għall-Promozzjoni f’League Two kontra Morcambe, bil-coach ta’ Newport jgħid li jekk il-lista tas-26 player magħżula toħroġ il-Ħadd din tista’ taffettwa l-prestazzjoni ta’ Sheehan f’partita daqshekk importanti. Ironikament, fl-istess partita se jkun ukoll involut il-player internazzjonali Malti li jilgħab ukoll ma’ Newport Luke Gambin.
It-timijiet kollha li se jikkompetu fil-Euro 2020 għandhom sal-1 ta’ Ġunju sabiex jirreġistraw il-lista uffiċjali.
