Ilbieraħ, għal ħabta tas-7pm, il-Pulizija ġiet infurmata li kien hemm bżonn l-assistenza tagħha fi Triq ix-Xatt, Tal-Pietà.
Mill-investigazzjonijiet preliminari rriżulta li Ungeriż ta’ 31 sena u residenti San Ġwann, li kien qiegħed isuq mutur tat-tip Benelli, tilef il-kontroll u waqa’. Il-mutur u x-xufier baqgħu jitkaxkru sakemm ħabtu ma’ siġra.
Tim mediku ta l-ewwel għajnuna, filwaqt li ambulanza ħadet lill-vittma l-Isptar Mater Dei għall-kura fejn ġie ċċertifikat li weġġa’ gravi.
L-investigazzjonijiet tal-Pulizija għadhom għaddejjin.
