Il-midfielder Belġjan Kevin de Bruyne sofra injury f’imnieħru kif ukoll f’għajnejh wara li ħabat ras ma ras mad-difensurt Ġermaniż ta’ Chelsea Antonio Rudiger. de Bruyne kellu jħalli l-ground fis-60 minuta biex daħal floku l-attakkant Gabriel Jesus wara l-inċident li kellu ma ‘ Rudiger.
Min-naħa l-oħra Roberto Martinez se jkun qed jistenna bix-xwiek kif se jkun qed jirkupra l-istilla tal-Belġju, hekk kif il-partita inawgurali tal-Belġju tinsab biss 13-il ġurnata ‘l bogħod kontra kontra r-Russja. de Bruyne hu wieħed mill-aqwa plejers tal-Belġju fejn dan l-istaġun ma’ Man City kien strumentali biex rebħu l-Premier League, fejn skorja sitt gowls u provda 12-il assist.
