Il-kowċ tat-tim nazzjonali tal-Ukranja Andriy Shevchenko qal li fil-futur jixtieq jkun kowċ ta’ Milan iżda bħalissa jinsab ikkonċentrat fuq il-Euro 2020. Waqt konferneza tal-aħbarijiet, Shevchenko qal li t-tim ta’ Milan kellu staġun mill-aqwa speċjalment fil-bidu u anke lejn it-tmiem hekk kif irnexxielhom jaċċertaw minn post fil-UEFA Champions League wara seba’ snin.
L-eks player ta’ Milan qal li l-goalkeeper Gigio Donnarumma setgħa għażel li jibqa’ ma’ Milan hekk kif għadu goalkeeper żgħir filwaqt li dwar l-attakkant ta’esperjenza Zlatan Ibrahimovic, Shevchenko qal li huwa leader fit-tim.
L-Ukranja se tkun qed tilgħab żewġ partiti ta’ ħbiberija qabel l-ewwel impenn tagħhom fil-Euro 2020, hekk kif nhar il-Ħames jilagħbu kontra l-Irlanda ta’ Fuq filwaqt li nhar it-Tnejn jilagħbu kontra Ċipru.
