Raġel ta’ 37 sena residenti ż-Żurrieq sofra feriti gravi wara li waqa’ minn għoli minn fuq saqaf tal-ħġieġ f’Ta’ Qali.
Jirriżulta li għall-ħabta tas-7.15am, ir-raġel kien qed jagħmel xi xogħol fuq is-saqaf meta, għal xi raġuni, dan inkiser bih u hu waqa’ mill-għoli.
Minbarra l-Pulizija, fil-post wasal tim mediku b’Ambulanza qabel ma r-raġel ittieħed l-Isptar Mater Dei għal aktar kura.
Hemm, hu kien iċċertifikat li qed isofri minn feriti gravi.
Aktar investigazzjonijiet tal-Pulizija għadhom għaddejjin.
