L-Olimpjadi ta’ Tokyo se jsiru 100%.
Il-konferma tagħta Seiko Hashimoto, President ta’ Tokyo 2020 fejn fl-aħħar ħin ikkonfermat li l-logħob li ġew posposti mis-sena li għaddiet issa ser isiru iżda wissiet li kulħadd irid iħejji ruħu għall-possibilità li dawn isiru mingħajr spettaturi fl-eventwalità li jiżdiedu l-każi tal-Covid.
L-Olimpjadi jibdew fit-23 ta’ Lulju hekk kif il-Ġappun qed tikkumbatti żieda fil-każi tal-Coronavirus u waqt li l-biċċa l-kbira tal-Ġappun jinsab taħt stat ta’ emerġenza.
Hashimoto insistiet li l-mira prinċipali hi li l-logħob isiru bl-aktar mod sigur possibbli.
Hija tkellmet dwar kif il-Ġappuniżi bħalissa qed iħossuhom insiguri u li jinsabu frustrati bl-idea tal-logħob Olimpiċi f’pajjiżhom. Hashimoto qalet li l-akbar sfida se tkun il-kontroll tal-influss tan-nies. Hija qalet li jekk ikun hemm żieda drastika fil-każi hemm possibiltà li l-atleti jikkompetu mingħajr spettaturi.
//= $special ?>