Jibqgħu 76 il-każi attivi f’pajjiżna hekk kif fl-aħħar 24 siegħa kienu rreġistrati 4 każi ġodda u 4 persuni mfejqa.
Fortunatamanet qed tkompli x-xejra pożittiva bl-ebda vittma ġdida tal-virus ma tkun irrappurtata bejn l-Erbgħa u l-Ħamis.
Dan ifisser li l-vittmi tal-pandemija f’pajjiżna jibqgħu 419.
Sal-lum 221,595 persuna kienu mlaqqma b’mod sħiħ f’Malta u Għawdex.
Mis-7 ta’ Marzu tas-sena li għaddiet sal-lum, pajjiżna kellu total ta’ 30,557 każ bi 30,062 persuna jfiequ mill-virus.
