EURO 2020 • Sport

L-aqwa 10 difensuri fil-Euro 2020

4 ta' Ġunju 2021

Il-maġġoranza tat-timijiet li għamlu suċċess fil-kompetizzjonijiet tal-kampjonati Ewropej, għamlu dan għaliex kellhom difiża b’saħħitha, li kapaċi tikkontrolla l-partiti u ma tagħti l-ebda lok lill-attakkanti avversarji li jkunu ta’ periklu. Hawnhekk se nagħtu ħarsa lejn dawk li huma meqjusa bħala l-aqwa 10 difensuri li se jieħdu sehem fil-Euro 2020.

1. Ruben Dias (Portugall)

Ruben Dias kien ir-revelazzjoni tal-Premier League dan l-istaġun, fejn wara t-trasferiment mingħand Benfica għal ma’ Man City, rnexxielu jkun protagonist fir-rebħ tal-Premier League ma’ Man City, fejn saħansitra rebaħ il-plejer tas-sena tal-Football Writers’ Association fl-Ingilterra (FWA). Dias mistenni jifforma il-koppja difensiva ċentrali tal-Portugall flimkien mal-veteran ta’ 38 sena Pepe, fejn il-kwalitajiet eċċezzjonali tiegħu jistgħu jgħinu lil Portugall ikollhom tournament ta’ suċċess.

2. Raphael Varane (Franza)

Raphael Varane li għandu 28 sena hu fost l-aħjar difensuri fid-dinja fejn fl-aħħar staġuni kien strumentali għas-suċċessi li kisbu Real Madrid. Varane lagħab 73 partita ma’ Franza sa minn meta għamel id-debutt internazzjonali fl-2013, u bi Presnel Kimbempe ma’ ġenbu, wieħed jistenna li l-Franċiżi jkunu fost l-aqwa difensivament fil-Euro 2020.

3. Giorgio Chiellini (Italja)

Id-difensur veteran ta’ 36 sena, se jkun qed jikkompeti probabbilment għall-aħħar tournament tiegħu internazzjonali, wara karriera ta’ aktar minn 17-il sena mat-tim nazzjonali Taljan, fejn lagħab xejn inqas minn 106 partita. L-esperjenza ta’ Chiellini fi skwadra relattivament żagħżugħa, kapaċi tkun fattur ewlieni fis-suċċess li jiksbu l-Italja f’din il-kompetizzjoni.

4. Matthijs de Ligt (Olanda)

Id-difensur żagħżugħ ta’ Juventus, Matthijs de Ligt huwa pedina mportanti fl-iskwadra tal-Olanda u huwa wieħed mill-fatturi għaliex l-Olanda reġgħu saru nazzjon kompettitiv, wara li ma kkwalifikawx għall-Euro 2016 u għat-Tazza tad-Dinja tal 2018. Minkejja li għandu 21 sena, de Ligt se jkun qed imexxi id-difiża Olandiża fin-nuqqas ta’ Virgil van Dijk.

5. Manuel Akanji (Żvizzera)

Wara staġun pożittiv mal-club ta’ Borussia Dortmund, Manuel Akanji se jkun qed iħares li jkollu kompetizzjoni b’saħħitha flimkien mad-difesnur ċentrali Nico Evedi. L-Iżvizzeru ta’ 25 sena, għandu statura b’saħħitha, komdu bil-ballun filwaqt li kapaċi jleħħaq ma’ kull attakkant, bil-ġirja b’saħħitha tiegħu. It-tim tal-Iżvizzera se jkollu bżonn prestazzjonijiet sodi speċjalment difensivament jekk iridu jagħmluwha lejn l-aħħar stadji tal-Euro 2020.

6. Caglar Soyuncu (Turkija)

Caglar Soyuncu (lemin) kellu staġun impressjonanti mat-tim ta’ Leicester fl-Ingilterra, fejn rebaħ l-FA Cup fil-finali kontra Chelsea. Minkejja li dan l-istaġun tilef bosta partiti minħabba f’injury, Soyuncu se jħares li jkompli bil-forma pożittiva li temm biha fil-Premier League, biex flimkien mad-difensur żagħżugħ ta’ Liverpool Ozan Kabak jmexxu lit-Turkija fil-Euro 2020.

7. John Stones (Ingilterra)

It-tieni difensur ta’ Man City f’din lista, John Stones kellu staġun brillanti fejn reġa’ sab il-forma li ħafna kienu jistennew minnu. Flimkien ma’ Ruben Dias hu kien strumentali ma’ Man City fejn irnexxielu jikkontribwixxi għal 14-il clean sheet fi 22 partita li lagħab. B’Harry Maguire dubjuż għall-fażi tal-gruppi fl-Euro 2020, Gareth Southgate se jkun qed jiddependi fuq John Stones sabiex imexxi id-difiża tal-Ingilterra, u jirrepetu s-suċċess li kellhom fit-Tazza tad-Dinja tal-2018.

8. Mats Hummels (Ġermanja)

Fl-eta’ ta’ 32 sean Mats Hummels kellu karriera internazzjonali ta’ suċċess fejn rebaħ it-Tazza tad-Dinja fl-2014. Minkejja li fl-2019 il-coach Joachim Low kien qal li mhux se jgħajjat aktar lil Hummerls man-najjonal, jidher li l-esperjenza tiegħu f’tim relattivament żagħżugħ jaf tkun imrpezzabli għat-tim ta’ Low. Minkejja li l-aħħar riżultati ma kienux kif mixtieqa, il-Ġermanja xorta jibqgħu forza b’saħħitha u se jkunu qed jissiletu biex jirbħu il-Euro 2020.

9. Milan Skriniar (Slovakkja)

MIlan Skriniar hu wieħed mill-plejers li dan is-suq ta’ trasferimenti qed ikun msemmi ma’ Man Utd u Tottenham fost l-oħrajn. Wara li għadu ġej mir-rebħ tas-Serie A ma’ Inter Skriniar se jkun qed iħares li jkompli l-forma pożitiiva tiegħu fil-Euro 2020, minkejja li ċ-ċnasijiet tas-Slovakki li jirbħu din il-kompetizzjoni huma xi ftit baxxi. Madanakollu, bi Skriniar imexxi id-difiża u l-veteran Marek Hamsik fl-attakk, it-timijiet li se jilagħbu kontrijhom se jsibu tim li kapaċi jagħti partita iebsa lil kulħadd.

10. Aymeric Laporte (Spain)

Aymeric Laporte iddeċieda li minn din l-edizzjoni tal-Euro jibda jirrappreżenta lil Spanja, hekk kif kellu l-għażla li jkun plejer Franċiż. Laporte għadu qatt ma’ lagħab ma’ Spnanja u din se tkun l-ewwel esperjenza tiegħu f’kompetizzjoni internazzjonali. L-Ispanjol ta’ 27 sena, dan l-istaġun ma kienx regolari ma’ Man City daqs staġuni preċedenti, b’John Stones u Ruben Dias jkun preferuti minn Pep Guardiola. MInkejja dan, wara l-esklużjoni ta’ Sergio Ramos, Lapote mistenni jilgħab parti kruċjali għat-tim Spanjol, f’tim li hu nieqes ferm mill-esperjenza.