Russja 1 Bulgarija 0
Fl-aħħar partita tagħhom qabel jibdew l-impenji tagħhom fil-Euro 2020, ir-Russja għelbu lil Bulgarija 1-0. Għar-Russi kellu jkun penalty tas-sostitut Aleksander Sobelov fl-84 minuta, biex ta rebħa lir-Russi. Minkejja id-dominanza fil-pusses tal-ballun ir-Russi sabuha diffiċli biex jippenetraw id-difiża Bulgara. Yuri Zhirkov kien l-aktar viċin li jiskorja fit-73 minuta bil-goalkeeper Bulgaru Georgi Georgiev jsalva tajjeb. Ir-Russja jilagħbu l-ewwel partita tagħhom fi Grupp B tal-Euro 2020 kontra l-Belġju, bid-Danimarka u l-Fillandja jkunu t-timijiet l-oħra fil-grupp.
Agħfas fil-link biex issegwi siltiet mill-partita bejn ir-Russja u l-Bulgarija
Wales 0 Albanija 0
Wales temmew fi draw diżappuntanti ta’ 0-0 kontra l-Albanija fl-aħħar partita tagħhom qabel il-Euro 2020. Minkejja d-draw diżappunanti, f’din il-partita kien hemm ir-ritorn tal-partitarji fl-istadium, b’6500 spettatur jattendu f’Cardiff City Stadium. L-introduzzjoni fit-tieni taqsima ta’ Kieffer Moore tagħat lil Wales aktar saħħa fl-attakk, iżda dan ma kienx biżejjed biex jiskorjaw, kontra tim li jinsab 49 post l’isfel minnhom fir-rankings tal-FIFA. Wales jilagħbu l-ewwel partita tagħhom fil-Euro 2020 kontra l-Iżvizzera, fi Grupp A flimkien mal-Italja u t-Turkija
Agħfas fil-link biex issegwi siltiet mill-partita bejn ir-Russja u l-Bulgarija
Żvezja 3 Armenja 1
L-Iżvezja temmew l-impenji tagħhom qabel il-Euro 2020 b’rebħa ta’ 3-1 fuq l-Armenja. L-Iżvezja marru fil-vantaġġ fis-16-il minuta permezz ta’ free kick minn Emil Forsberg għal 1-0. L-Iżvediżi rdroppjaw fl-34 minuta meta minn corner ta’ Frosberg din id-darba kien Marcus Danielson li xeħet ġewwa bir-ras għal 2-0. Madankollu l-Armeni naqqsu d-distakk fl-64 minuta meta x-xutt ta’ Vahan Bichakhchyan kien salvat tajjeb mill-goalkeeper Robin Olsen, biex mit-tieni tentattiv l-istess plejer tefa’ ġewwa bir-ras għal 2-1. Iżda l-Iżvezja għamluhom tlieta fl-84 minuta meta minn pass ta’ Robin Quaison, kien Marcus Berg li kkonkluda fil-lasta għal skor finali ta’ 3-1.
Agħfas fil-link biex issegwi siltiet mill-partita bejn l-Iżvezja u l-Armenja
