EURO 2020 • Futbol • Gruppi • Sport

Analiżi | Skozja se jkunu qed jilagħbu f’kompetizzjoni bħal m’hi l-Euro, wara 23 sena

8 ta' Ġunju 2021
Il-partitarji Skoċċiżi qed jistennew bil-ħerqa r-ritorn tat-tim nazzjonali tagħhom fil-Euro 2020

Se jkunu qed jilgħabu fl-istess grupp tal-Ingilterra, f’dik li hi meqjusa bħala l-eqdem rivalitá u partita internazzjonali fl-istorja tal-futbol

L-Iskozja se jkunu qed jirritornaw fost il-pajjiżi finalisti tal-Euro, wara nuqqas ta’ ħames edizzjonijiet konsekuttivi. Bi Steve Clarke bħala kowċ, l-Iskozja se tkun qed tilgħab fl-istess grupp tal-Ingilterra iżda mingħajr pressjoni ta’ rebħ. Kulħadd hu konxju mill-limitazzjonijiet ta’ din l-iskwadra u għalhekk l-aspirazzjonijiet huma minimi.

L-Iskoċċiżi għaddew għall-finali tal-Euro permezz tal-play-offs.

Steve Clarke, 58 sena f’Awwissu li ġej. Ilu fit-tmexxija tat-tim nazzjonali Skoċċiz sa minn Mejju tal-2019.

L-etá medja tal-iskwadra magħżula minn Clarke hi ta’ 27 sena, u tinkludi tliet plejers li għadhom qatt ma lagħbu fit-tim qabel.

Skozja se jilgħabu f’dan il-livell, 23 sena wara li huma kkwalifikaw l-aħħar għal kompetizzjoni ta’ dan it-tip, it-Tazza tad-Dinja tal-1998. Triqthom lejn il-kwalifikazzjoni kienet twila u diffiċli u kellhom jisfurzaw il-playoffs, b’rebħiet kontra Iżrael u s-Serbja rispettivament, biex ikkwalifikaw għall-Euro 2020.

Scott McTominay hu plejer ta’ Manchester United u għandu 24 sena. Dan l-istaġun kien wieħed pożittiv għaliħ anke għaliex il-kowċ tar-Red Devils, Ole Gunnar Solskjær, utiliżaħ aktar mis-soltu.

Skozja tilgħab b’sistema tattika ta’ tliet difensuri, simili għal kif kienu jilgħabu fl-1996, meta kienu kkwalifikaw l-aħħar għall-Euro.

Scott McTominay għandu rwol importanti fl-iskwadra, speċjalment għaliex hu abbli fil-mod ta’ kif jiddistribwixxi l-ballun mid-difiża għall-attakk.

Bi Clarke fit-tmun, tqed naraw lil dan it-tim jilgħab b’sistema ta’ tliet difensuri; simili għal kif l-istess Skozja kienu jilagħbu u kisbu l-kwalifikazzjoni għall-Euro 1996. Din l-għażla tattika tippermetti sabiex id-difensuri Kieran Tierney u Andy Robertson, it-tnejn jilagħbu fuq ix-xellug. Il-midfielder ta’ Manchester United, Scott McTominay għandu rwol importanti f’nofs il-grawnd, l-aktar għall-mod ta’ kif jiddistribwixxi l-ballun mid-difiża għall-attakk.

Andy Robertson, 27 sena. Captain tal-Iskozja u jilgħab fil-Premier League ma’ Liverpool. Fir-rwol ta’ difensur fuq ix-xellug, Robertson hu effettiv l-aktar meta fil-kwalitá ta’ passaġġi fil-qasir u t-tip ta’ crosses li kapaċi jagħti.

Billy Gilmour, 19-il sena. L-għażla tiegħu fis-selezzjoni finali tal-kowċ Steve Clarke kienet meqjusa bħala sorpriża, l-aktar għaliex sal-llum għadu qatt ma lagħab minuta ma’ Skozja. Propjetá taċ-champions il-ġodda Ewropej, Chelsea iżda f’Premier League sħiħ, il-midfielder żagħżugħ lagħab biss f’ħames partiti.
Che Adams, 25 sena x-xahar li ġej. Fit-tieni stapun tiegħu fil-Premier League Ingliż, ma’ Southampton, Adams skorja disa’ gowls. Id-debutt tiegħu ma’ Skozja kien f’Marzu li għadda, hekk kif sal-kategorija ta’ taħt l-20 sena, l-attakkant kien għadu qed jilgħab għall-Ingilterra.

L-Iskozja jista’ jkun wieħed mit-timijiet finalisti li jservi ta’ attrazzjoni għal kwalunkwè partitarju tal-futbol għaliex hu mogħni b’ġenerazzjoni ta’ plejers li kabbru l-esperjenza kalċistika tagħhom f’Kampjonati Brittaniċi, fosthom il-Premier League Ingliż. Plejers oħra interessanti fis-selezzjoni finali ta’ Clarke huma John McGinn James Forrest, Ryan Christie u Callum McGregor. Nieqsa mit-tim f’din il-kompetizzjoni hemm Liam Palmer, Leigh Griffiths, Lawrence Shankland, Andy Considine, Ryan Jack, Kenny McLean u Oli McBurnie. Interessanti ukoll li l-ismijiet magħżula ta’ Billy Gilmour, Nathan Patterson u David Turnbull, qatt ma lagħbu qabel mal-Iskozja.

It-tama ta’ kull Skoċċiz f’din l-edizzjoni tal-Euro hi li fil-partita kontra l-Ingilterra f’Wembley, it-tim ta’ Steve Clarke ma jkollux telfa bħala riżultat.

Is-26 plejer tal-Iskożja għall-Euro 2020

Kowċ: Steve Clarke

David Marshall

Gowlkipers: Craig Gordon (Heart of Midlothian), David Marshall (Derby County), Jon McLaughlin (Rangers)

Difensuri: Liam Cooper (Leeds United), Declan Gallagher (Motherwell), Grant Hanley (Norwich City), Jack Hendry (KV Oostende), Scott McKenna (Nottingham Forrest), Stephen O’Donnell (Motherwell), Nathan Patterson (Rangers), Andy Robertson (Liverpool), Greg Taylor (Celtic), Kieran Tierney (Arsenal)

Liam Cooper
Stuart Armstrong

Midfielders: Stuart Armstrong (Southampton), Ryan Christie (Celtic), John Fleck (Sheffield United), Billy Gilmour (Chelsea), John McGinn (Aston Villa), Callum McGregor (Celtic), Scott McTominay (Manchester United), David Turnbull (Celtic)

Attakkanti: Ché Adams (Southampton), Lyndon Dykes (Queen’s Park Rangers), James Forrest (Celtic), Ryan Fraser (Newcastle United), Kevin Nisbet (Hibernian)

Lyndon Dykes