Raġel Taljan tilef ħajtu traġikament wara li waqa’ madwar erba’ sulari meta kien qed jagħmel xogħol fuq saqaf ta’ fabbrika fiż-Żona Industrijali ta’ Ħal Far.
L-inċident seħħ dalgħodu għall-ħabta tal-11.30. Jidher li r-raġel li għandu 40 sena, tilef ħajtu fuq il-post kawża tal-feriti serji li ġarrab.
Immedjatament fuq il-post wasal tim mediku sabiex jagħti l-ewwel għajnuna kif ukoll membri tal-Protezzjoni Ċivili u pulizija, iżda minkejja t-tentattivi kollha, sfortunatament ir-raġel tilef ħajtu fuq il-post.
Dwar il-każ infetħet inkjesta maġisterjali mmexxija mill-Maġistrat tal-Għassa Monica Vella li ħatret diversi esperti biex jassistuha. L-investigazzjonijiet tal-Pulizija għadhom għaddejjin.
//= $special ?>