EURO 2020 • Futbol • Gruppi • Sport

Analiżi | Il-Kroazja b’skwadra mibdula mhux ftit mis-suċċess tal-aħħar Tazza tad-Dinja

9 ta' Ġunju 2021
Tliet snin ilu, fit-Tazza tad-Dinja li saret fir-Russja, il-partitarji Kroati kellhom xalata ta’ divertiment, bit-tim nazzjonali tagħhom jasal sal-finali li tilfu kontra Franza

Iżda bil-presenza ta’ plejers bħal Modric, Kovacic u Perisic, il-Kroati jibqgħu favoriti li javvanzaw minn Grupp D tal-Euro 2020

M’hemmx dubju, il-Kroazja hu tim ieħor minn fost il-favoriti għar-rebħ tal-Euro 2020. Fl-aħħar sitt edizzjonijiet ta’ din il-kompetizzjoni, dan il-pajjiż eks Jugoslavja, falla l-kwalifikazzjoni għall-fażi finali darba biss.

Wara s-suċċess li kellhom fl-aħħar Tazza tad-Dinja, il-Kroazja tilfet għaxar postijiet fil-klassifika tar-rankings tal-FIFA. Il-kowċ għadu l-istess, iżda llum jinsabu fl-14-il post minn fost il-pajjiżi tad-dinja.

Tliet snin ilu, fl-aħħar Tazza tad-Dinja, il-Kroazja kienu finalisti telliefa kontra Franza. Madankollu, f’termini ta’ rankings tal-FIFA, mill-2018 sal-lum, dan it-tim nazzjonali tilef xejn inqas minn għaxar pożizzjonijiet u llum hu klassifikat fl-14-il post f’din il-klassifika. F’dan il-perjodu, l-iskwadra baqgħet taħt il-gwida teknika ta’ Zlatko Dalić iżda ħafna mill-plejers li kellhom rwol importanti fis-suċċess tal-2018, irtiraw mit-tim, bħal fil-każ ta’ Danijiel Subasic, Mario Mandzukic u Ivan Rakitic. Għalkemm rebħu l-grupp ta’ kwalifikazzjoni għall-Euro 2020, jibqa’ fatt li waqqgħu ħafna punti fil-proċess. Aktar riċenti, l-avventura tagħhom fil-UEFA Nations League kienet diżastruża fejn tilfu f’ħames partiti minn sitta.

Luca Modric, 35 sena. Captain tal-Kroazja. Lagħab viċn il-140 partita bil-flokk nazzjonali ta’ pajjiżu. Probabilment din se tkun l-aħħar edizzjoni tal-Euro għaliħ.
Mateo Kovacic, 27 sena. 66 partita mat-tim nazzjonali Kroat, fir-rwol ta’ plejer f’nofs il-grawnd. F’dawn l-aħħar sitt staġuni, hu rebaħ il-UEFA Champions League għal xejn inqas minn erba’ darbiet, bl-aktar waħda riċenti tkun dik mirbuħa ftit tal-jiem ilu ma’ Chelsea.
Ivan Perisic, 32 sena. Winger fuq ix-xellug, li iżda kapaċi jilgħab ukoll bħala midfielder avvanzat. Staġun ilu, Inter selfuħ lil Bayern Munich u rebaħ il-UEFA Champions League. Dan l-istaġun, lagħab ma’ Inter, u fil-ħames Kampjonat tiegħu fl-Italja, irnexxilu jirbaħ ukoll is-Serie A.

Mill-aħħar Tazza tad-Dinja tal-2018, irtiraw mill-iskwadra Kroata, Danijiel Subasic, Mario Mandzukic u Ivan Rakitic.

Għal din l-edizzjoni, Dalić għandu skwadra b’ħafna elementi ġodda, iżda għad hemm l-uċuh ta’ Luka Modric, Mateo Kovacic u Ivan Perisic.  L-elementi li huma meqjusa bħala parti mill-ġenerazzjoni l-ġdida f’dan it-tim, bħal Nikola Vlasic, Josip Brekalo, Bruno Petkovic, Borna Barisic, Dominik Livakovic, Mario Pasalic, Domagoj Bradaric u Duje Caleta-Car, jagħtu bilanċ tajjeb fil-kwalità ta’ plejers li se jilagħbu fil-Euro 2020.

Zlatko Dalić normalment

jilgħab b’sistema ta’ 4-3-3,

b’iffokar fuq is-saħħa

tal-iskwadra f’nofs il-grawnd.

Normalment Dalić jilgħab b’sistema ta’ 4-3-3, bl-istil ta’ logħba milgħuba tikkonċentra l-aktar fuq is-saħħa tat-tim f’nofs il-grawnd, partikolarment dik ta’ Modric u Kovacic. Attenzjoni però għall-midfielder offensiv ta’ 23 sena, Vlašić, eks Everton. Plejer li għadu kemm kellu staġun tajjeb ma’ CSKA Moscow u dak li jiddistingwih minn ħaddieħor hi l-fiżika tiegħu. Il-verità hi li f’din il-kompetizzjoni, jaf ikun hemm linja fina bejn dak li se jwassal għas-suċċess jew il-falliment tal-Kroazja fil-Euro 2020.

Fil-Euro, il-Kroazja l-aħjar li marru kien meta f’żewġ edizzjonijiet differenti waslu sal-Kwarti tal-Finali, fis-sena 1996 u 2008

Is-26 plejer tal-Kroazja għall-Euro 2020


Kowċ: Zlatko Dalić

Dominik Livakovic

Gowlkipers: Dominik Livakovic (Dinamo Zagreb), Lovre Kalinic (Hajduk Split), Simon Sluga (Luton Town)

Difensuri: Sime Vrsaljko (Atletico Madrid), Domagoj Vida (Besiktas), Josip Juranovic (Legia Warsaw), Dejan Lovren (Zenit St Petersburg), Duje Caleta-Car (Olympique Marseille), Borna Barisic (Rangers), Mile Skoric (Osijek), Josko Gvardiol (Dinamo Zagreb), Domagoj Bradaric (Lille).

Borna Barisic
Marcelo Brozovic

Midfielders: Luka Modric (Real Madrid), Marcelo Brozovic (Inter), Milan Badelj (Genoa), Mateo Kovacic (Chelsea), Nikola Vlasic (CSKA Moscow), Mario Pasalic (Atalanta), Luka Ivanusec (Dinamo Zagreb).

Attakkanti: Bruno Petkovic (Dinamo Zagreb), Ivan Perisic (Inter), Andrej Kramaric (Hoffenheim), Josip Brekalo (Vfl Wolfsburg), Ante Rebic (AC Milan), Mislav Orsic (Dinamo Zagreb), Ante Budimir (Osasuna)

Ante Budimir