Il-President tal-Kumitat Olimpiku Malti Julian Pace Bonello, ġie uffiċjalment iddikjarat
President tal-Logħob tal-Pajjiżi Żgħar tal-Ewropa (GSSE) waqt l-assemblea ġenerali ta’ dawn il-Logħob.
Din il-ħatra tkun għal perjodu ta ’sentejn, min issa sakemm Malta tospita l-Logħob fl-2023.Il-bandiera tal-GSSE ġiet ippreżentata lis-Sur Pace Bonello mis-Sur Marti Mandinco, President tal-Kumitat Olimpiku ta ’Andorra. Andorra kien imissha biex tospita l-logħob din is-sena, madankollu minħabba l-pandemija ta ‘Covid-19 id-dmirijiet tagħhom ġew trasferiti għall-2025.
“Dan huwa mument ta’ unur għal Malta, speċjalment hekk kif nersqu eqreb li nospitaw il-Logħob fl-2023. Ilna nikkollaboraw mill-qrib ma’ Kumitati Olimpiċi oħra, partikolarment fid-dawl tal-pandemija” iddikjara Julian Pace Bonello. Il-President tal-MOC, irrikonoxxa wkoll il-kooperazzjoni u l-appoġġ tal-Gvern u SportMalta li magħhom il-Kumitat jaħdem mill-qrib fuq bażi regolari ħafna.
Matul l-assemblea ġenerali, ġiet mogħtija preżentazzjoni dwar il-programm sportiv skedat għal Malta 2023. Għal-laqgħa attendew il-pajjiżi membri kollha tal-GSSE. Is-Segretarju Ġenerali tal-Kumitat Olimpiku Malti s-Sur Joseph Cassar kien ukoll preżenti.
