Lejla ta’ emozzjoni kbira f’Kopenħagen, li spiċċat b’wiċċ il-ġid. Fid-Danimarka u madwar id-dinja beda jerġa’ jirrenja s-serħan tal-moħħ. Christian Eriksen, li ftit qabel il-half-time tal-logħba tal-Euro 2000 li d-Danimarka lagħbet kontra l-Finlandja, deher jaqa’ u fil-periklu, issa kien imqajjem u “stabbli” fl-isptar. Ġurnal Daniż kellu t-titlu: “Id-Danimarka tilfet. Iżda l-ħajja rebħet.”
Ftit ukoll serħan ukoll tal-moħħ għal dawk ta’ madwaru li aġixxew b’ħeffa lema bħala. Veloċità li forsi salvat il-ħajja tal-eks midfielder ta’ Tottenham u preżentement ta’ Inter. L-ewwel fix-xena preżenti kien Simon Kjaer u l-plejers tad-Danimarka.
Il-kollass ta’ Eriksen waqt li pprova jirċievi t-throw-in ra perjodu tassew tal-biża’ fil-Parken Stadium ta’ Kopenħagen. Il-captain tad-Danimarka Simon Kjaer kien wieħed mill-ewwel plejers fix-xena u li deher li jgħin b’kull mod lil Eriksen. Is-severità tal-inċident kienet apparenti, u l-plejers miż-żewġ timijiet ħeġġew lill-istaff mediku biex iħaffu.
Hekk kif beda jirrispondi, sħabu tat-tim anzjużi għal Eriksen iffurmaw ċirku protettiv madwaru, u offrew ftit privatezza mill-15,200 partitarju li attendew u l-miljuni li kienu qed jaraw fuq it-televiżjoni. Ħafna mill-plejers – il-maġġoranza jħarsu ‘l bogħod – kienu qed jibku. Uħud dehru jitolbu.
Nies bħal Simon Kjaer u Kasper Schmeichel huma ħbieb kbar tiegħu u wieġbu għal Christian Eriksen fil-mument tal- bżonn tiegħu. Huma kkonsolaw ukoll lis-sieħba ta’ Christian, li niżlet ukoll fuq il-pitch. Il-plejer ta’ 29 sena eventwalment ittieħed fuq stretcher u ddaħħal l-isptar.
Wara li fl-aħħar waslet l-aħbar li Eriksen kien imqajjem u f’sensih, il-logħba reġgħet bdiet, bil-Finlandja tirbaħ 1-0. L-istaff mediku qal – ‘Aħna għamilna dak li kellna nagħmlu’. Il-professur tal-kardjoloġija sportiva Sanjay Sharma, li huwa l-president tal-bord espert tal-kardjoloġija għall-Assoċjazzjoni tal-Futbol, qal li l-ħaġa li salvalu ħajtu kienet attenzjoni medika urġenti ħafna u rapida “.
It-tabib tat-tim tad-Danimarka Martin Boesen tkellem f’konferenza tal-aħbarijiet wara l-partita u spjega kif seħħew l-avvenimenti. “Kien ċar li kien mitluf minn sensih,” huwa qal. “Meta wasalt għandu kien fuq il-ġemb tiegħu, kien qed jieħu n-nifs, stajt inħoss polz, iżda f’daqqa waħda dan kollui inbidel u bdejna nagħtuh is-CPR. “
L-għajnuna waslet verament b’mod mgħaġġel mit-tim mediku u l-bqija tal-istaff bil-kooperazzjoni tagħhom, u għamilna dak li kellna nagħmlu u rnexxielna nġibu lil Christian lura. Huwa kellimni qabel ma ttieħed l-isptar.” Sadanittant -plejers Daniżi ngħataw żewġ għażliet – jew itemmu l-lparita dik il-lejla, jew f’nofsinhar l-għada l-Ħadd. Wara li semgħu lil Eriksen kien tajjeb, iddeċidew li jtemmuha s-Sibt stess.
Il-Head Coach tad-Danimarka Kasper Hjulmand qal: “Il-plejers ma setgħux jimmaġinaw li ma kienux se jorqdu llejla u li jkollhom imorru fuq karozza tal-linja għada u jerġgħu jilagħbu aktar tard jew l-għada. Kien iktar faċli li toħroġ fil-grawnd u l-aħjar soluzzjoni li ttemm il-partita. Huwa wieħed mill-aqwa plejers tagħna u wieħed mill-aqwa plejers, fiċ-ċirkolazzjoni iżda bħala karattru u persuna huwa aħjar.
Il-partitarji jagħtu s-sehem tagħhom
Ħafna minn dawk li attendew, taħlita ta’ partitarji Daniżi u Finlandiżi kif ukoll dawk newtrali baqgħu fil-grawnd jistennew l-aħbarijiet, anke meta deher improbabbli li l-logħba se tkompli. F’ħin minnhom, il-partitarji tal-Finlandja bdew jgħajtu “Christian” u l-partitarji tad-Danimarka iwieġbu billi jgħajtu “Eriksen”.
Kollha taw lill-plejers ovazzjoni mill-aqwa hekk kif reġgħu daħlu fil-grawnd biex jerġgħu jibdew il-logħba. “Il-maġġoranza l-kbira tal-partitarji baqgħu jistennew u anzjużi,” qal l-eks winger ta’ l-Iskozja Pat Nevin fuq BBC Radio 5 Live. “Deheru li riedu u kien moħħhom biss li jisimgħu xi aħbarijiet ġoda. Meta ħareġ l-aħħar aġġornament, kien hemm dmugħ ta ‘ferħ u serħan il-moħħ.”
Ir-riżultat, telfa għad-Danimarka, li fallew ukoll penalty ma kienx daqstant importanti, l-ironija hi wkoll li kieku ma ġarax dak li ġara l-penalty fallut minn naħa tal-home team kien jagħtih Christian Eriksen. Imma l-importanti f’dan l-istadju hu li l-istilla Daniza għadu magħna.
