Lokali

“Il-PBS għandu jkun imparzjali u mhux għodda partiġġjana” – Bernard Grech

F’messaġġ li għadda fuq Facebook il-Kap tal-PN Bernard Grech qal li “Kulma jmur, qed isir iżjed evidenti li dan il-Gvern ħataf il-PBS u dawru f’magna ta’ propaganda partiġġjana”,  li għaliha qed iħallas il-poplu Malti u Għawdxi.  

Bernard Grech qal li dan qiegħed iseħħ billi qiegħed jkun maħnuq mhux biss il-messaġġ tal-Partit Nazzjonalista, iżda wkoll ta’ numru ta’ NGOs u msieħba soċjali.

Huwa qal li dan rajnieh iseħħ ukoll fil-każ tal-filmati manipulati minn ġewwa l-ħabs.

Il-Kap tal-PN għalaq il-messaġġ billi qal li x-xandir nazzjonali, li huwa mħallas mit-taxxi tal-poplu, għandu jkun imparzjali u mhux għodda partiġġjana.

https://www.facebook.com/bernardgrechmt/posts/1148639142314056