Iċ-champions Ingliżi Manchester City se jibdew id-difiża tagħhom tat-titlu b’partita barra minn darhom f’Londra kontra Tottenham. Il-kampjonat Ingliż tal-futbol se jibda fl-14 ta’ Awwissu – 34 jum wara l-filnali tal-Euro 2020 f’Wembley.
L-ewwel ġurnata se toffri dawn il-konfronti:
| Aww 14 | 16:00 | Brentford | Arsenal |
| Aww 14 | 16:00 | Burnley | Brighton |
| Aww 14 | 16:00 | Chelsea | Crystal Palace |
| Aww 14 | 16:00 | Everton | Southampton |
| Aww 14 | 16:00 | Leicester City | Wolves |
| Aww 14 | 16:00 | Manchester United | Leeds United |
| Aww 14 | 16:00 | Newcastle United | West Ham United |
| Aww 14 | 16:00 | Norwich City | Liverpool |
| Aww 14 | 16:00 | Tottenham Hotspur | Manchester City |
| Aww 14 | 16:00 | Watford | Aston Villa |
Il-kampjonat 2021/22 mistenni jkun wieħed missielet ferm b’timijiet li jridu jwaqqfu d-dominanza ta’ Manchester City. Fuq quddiem nett hemm bla dubju Chelsea, illi jidhru tim ġdid taħt it-tmexxija ta’ Tuchel. Bla dubju li anke Manchester United u Liverpool se jkunu sfidanti ewlenin.
Liverpool se jilqgħu lil Chelsea f’Anfield fit-28 t’Awwissu. U l-partitissima Manchester United kontra Liverpool hi skedata għat-23 t’Ottubru f’Old Trafford. Id-derby Arsenal kontra Chelsea se jintlagħab fil-21 t’Awwissu – li se tkun it-tieni partita tal-kampjonat għaż-żewġ timijiet.
Il-Premier din is-sena jilqa’ tliet timijiet ġodda; Norwich, Watford u Brentford, b’dawn tal-aħħar jidħlu fl-għola diviżjoni Ingliża.
L-istaġun jibqa’ għaddej sat-22 ta’ Mejju. U bla dubju li l-akbar stennija se tkun għar-ritorn tal-partitarji fl-istadiums, f’ammonti akbar minn dawk li rajna fl-aħħar tal-istaġun li għadda.
