Sewwieq fis-sakra li l-karozza tiegħu baqa’ tiela fuq il-bankin bankina fil-Balluta u li kien qed isuq b’veloċita ta’ 100 kilometru fis-siegħa tajjar numru ta’ persuni li kienu mexjin għall-affari tagħhom fejn spiċċa wkoll biex qatel wieħed minnhom, ġie kundannat tliet snin ħabs u pprojbit milli jsuq għal sentejn.
Traġikament, iż-żagħżugħ Tim Scholten ta’ 19-il sena tilef ħajtu bħala riżultat ta’ ġrieħi gravi li sofra fl-inċident, li seħħ fis-6 ta’ Lulju 2018. Michael Caruana Turner ta’ 24 sena, li huwa kowċ tal-‘fitness’ minn Birkirkara nstab ħati li b’negliġenza kkawża l-mewt ta’ Scholten, darab ħafif seba’ persuni oħra, saq b’mod imprudenti u li saq fis-sakra.
Is-Subaru Impreza ta’ Caruana Turner kien qed tinstaq b’veloċità ta’ madwar 100 kilometru fis-siegħa meta qata’ mal-ġenb tat-triq, tela’ fuq il-bankina u mhux biss tajjar lil persuni iżda qered diversi oġġetti bħal siġar hekk kif ħasad numru ta’ persuni li kienu mexjin fuq il-bankina fi triqthom lejn id-dar.
Il-vettura kompliet taħrab il quddiem sakemm eventwalment waqfet xi distanza iktar’ l isfel mill-punt tal-impatt, u mblukkat kompletament il-bankina. Il-vettura ħalliet 12.09 metri f’marki tal-brejkijiet qabel ma telgħet fuq il-bankina, wara li kienet kompliet miexja ‘l quddiem fit-triq għal madwar 13.2 metri u mbagħad qabżet għal fuq il-bankina fejn kompliet fuq il-korsa tagħha, u ħabtet ma’ dak kollu li sabet quddiemha, inklużi l-persuni mexjin, għal distanza ta’ 103 metri.
Caruana Turner imbagħad ipprova jaħrab minn fuq il-post u meta nqabad ta dettalji foloz lill-pulizija. Mit-test tal-‘breathalyser’ li sar fuq l-akkużat fis-6 ta ‘Lulju 2018 għall-ħabta tas-6: 11 a.m, irriżulta li l-akkużat kellu livell ta’ 78.7 mikro grammi għal kull 100 milli litru ta’ alkoħol fin-nifs tiegħu, livell li huwa ferm ogħla mill-limiti preskritti f’termini ta ‘liġi.
“L-azzjonijiet u s-sewqan tal-akkużat għalhekk qegħdin jiġu kkunsidrati bħala negliġenti, imprudenti u totalment traskurati u bi ksur ċar tal-liġijiet u r-regolamenti tas-sewqan, kif stipulat fl-Ordinanza dwar ir-Regolament tat-Traffiku,” qalET il-Maġistrat Gabriella Vella.
“Anke jekk ma mhux dejjem u rari tiġi imposta sentenza ta’ ħabs effettiva kull meta persuna tinqatel f’inċident tat-traffiku u oħrajn li jkunu midruba, peress li l-każijiet kollha għandhom jiġu kkunsidrati fuq il-bażi tal-merti tagħhom stess, f’dan il-każ partikolari, fid-dawl tal-fatti li ħarġu f’dawn il-proċeduri, li mhux biss juru b’mod ċar iżda jippruvaw mingħajr dubju raġonevoli negliġenza, traskuraġni u sewqan perikoluż min-naħa tal-akkużat, is-sitwazzjoni hija differenti.
Il-fatt li l-akkużat innifsu kien relattivament żgħir meta seħħ l-inċident u li għandu kondotta nadifa bl-ebda mod ma jimminimizza l-effett ta’ dak li għamel. Il-fatt li l-akkużat ġej minn familja stabbli u jidher ukoll li għandu xogħol stabbli u qed ifittex ukoll l-għajnuna, bl-ebda mod ma jrenduh inqas responsabbli u ħati għan-negliġenza, l-imprudenza u s-sewqan perikoluż tiegħu.
Il-Qorti qalet ukoll li “il-ħajja umana mhijiex irħisa u tneħħi l-ħajja, anke jekk involontarjament, iżda bħala konsegwenza ta’ negliġenza, traskuraġni u sewqan perikoluż, għandha titqies bħala serja ħafna u l-unika piena li effettivament tissodisfa l-ġustizzja, b’mod partikolari vittma li mietet, hija l-impożizzjoni ta’ piena ta’ ħabs effettiva, ”qalet il-Maġistrat Gabriella Vella waqt li kkundanat lil Caruana Turner għal 3 snin u skwalifika mis-sewqan għal sentejn wara li jiskonta s-sentenza. Huwa ġie ordnat iħallas ukoll € 3,398 fi spejjeż tal-qorti. L-Ispettur Trevor Micallef mexxa l-Prosekuzzjoni.
