Rimonta fit-tieni taqsima tagħti t-tieni rebħa konsekuttiva lil Belġju u kwalifikazzjoni
Rimonta fit-tieni taqsima tat rebħa oħra lill-Belġju fi Grupp B meta f’Kopenhagen għelbu lid-Danimarka 2-1. F’partita fejn id-Danimarka wriet l-appoġġ tagħha lil Chrisitian Eriksen li sofra attakk tal-qalb fil-partita kontra l-Finlandja, kienu l-Belġju li minkejja li marru minn taħt wara żewġ minuti dawru l-partita fit-tieni taqsima.
Id-Danimarka kellhom bidu mill-aqwa jekk kif wara biss żewġ minuti fetħu l-iskor meta wara żball ta’ Denayer il-ballun spiċċa f’saqajn Hojbjerg li għadda lejn Poulsen li kkonkluda fil-baxx għal wara Courtois għal 1-0. Dan kien it-tieni l-aktar gowl veloċi li kien skorja fil-Kampjonati Ewropej.
Fit-tieni taqsima l-Belġju ħarġu fuq l-offensiva u fil-55 minuta kien Thorgan Hazard li għamel l-iskor indaqs. Il-Belġju dawra l-partita fil-71 minuta permezz ta’ gowl tal-midfielder Kevin De Bruyne li kien qed jirritorna fl-iskwadra wara li tilef l-ewwel partita. Lejn it-tmiem id-Danimarka pruvaw iġibu l-iskor indaqs u jsalvaw punt iżda minkejja l-periklu li ħolqu dan ma ssarafx f’gowls.
epa09280134 Players of Denmark celebrate their 1-0 lead the UEFA EURO 2020 group B preliminary round soccer match between Denmark and Belgium in Copenhagen, Denmark, 17 June 2021. EPA-EFE/Friedemann Vogel / POOL (RESTRICTIONS: For editorial news reporting purposes only. Images must appear as still images and must not emulate match action video footage. Photographs published in online publications shall have an interval of at least 20 seconds between the posting.)
Danimarka: P. Schmeichel, A. Christensen, S. Kjaer, J. Vestergaard, J. Maehle, D. Wass, P. Hojbjerg, T. Delaney, Y. Poulsen, M. Damsgaard, M. Braithwaite
Belġju: T. Courtois, T. Alderwiereld, J. Denayer, J. Vertonghen, T. Meunier, Y. Tielemans, L. Dendoncker, T. Hazard, D. Mertens, R. Lukaku, Y. Carrasco
Referee: B’ Kuipers
Assisteni referees: S. Van Roekel, E. Zeinstra
