EURO 2020 Futbol Gruppi Sport

L-Iżvezja issa jridu jibdlu l-pjan tattiku

(Ritratt: EPA)

Logħba mill-iktar interessanti illum f’San Pietruburgu fejn l-Iżvezja tilgħab kontra s-Slovakkja. Dawn iż-żewġ naħat issorprendew fl-ewwel ħarġa tagħhom fejn it-tnejn forsi ma kienux meqjusa bħala favoriti li jgħaddu minn Grupp E, grupp li jinkludi wkoll lil Spanja u l-Polonja.

Fl-ewwel logħba tagħhom l-Iżvezja b’difiża mill-aqwa u ferm organizzata kisbu punt ta’ mingħajr gowls kontra Spanja, filwaqt li s-Slovakkja marru aħjar minn hekk meta għelbu lill-Polonja 2-1.

Issa mingħajr dubju l-pressjoni tinsab fuq it-tim Żvediż li issa għal din il-logħba ma jistax joqgħod jistenna lill-avversarji iżda jrid jagħmel il-logħba u jipprova jinfed id-difiża tas-Slovakki mmexxija minn Milan Skriniar.

Din it-tip ta’ logħba tista’ tkun ideali għas-Slovakki li jistgħu jilagħbu bl-istess pjan tattiku li tant irnexxa kontra l-Polonja. Marek Hamsik li għandu 33 sena mistenni li jerġa’ jkun inkluż fl-iskwadra minkejja li hemm dubji kemm il-plejer ikun jista’ jilgħab tliet logħbiet fi spazju ta’ għaxart ijiem.

Grupp Ċ: Żvezja v Slovakkja 3.00pm