Ic-champions tad-dinja Franza miżmuma mill-Ungerija
F’partita minn Grupp F, Franza kienu miżmuma fi draw ta’ 1-1 mill-Ungerija f’partita fejn mikejja li Franza ddominaw ma sarrfux il-pressjoni f’gowls. Wara taqsima ddominata minn Franza, kienu l-Ungerija li skorjaw il-gowl tal-vantaġġ lejn tmiem l-ewwel taqsima hekk kif kien Attila Fiola li wara li avvanza għeleb lil Lloris b’xutt fil-baxxx.
Fit-tieni taqsima, Franza ddominaw il-pusses u saħansitra ħolqu bosta opportunitajiet ta’ skor. It-tim ta’ Didier Deschamps ġab l-iskor indaqs fis-65 minuta permezz ta’ Antoine Griezmann. Minkejja l-pressjoni, id-difiża tal-Ungerija rniexxilha tikkontrolla l-attakkanti Franċiżi u b’hekk ħadu punt storiku f’dawn il-Kampjonati Ewropej.
Ungerija: P. Gulacsi, E. Botka, W. Orban, At. Szalai, L. Nego, L. Kleinheisler, A. Nagy, A. Schafer, A. Fola, Ad. Szalai, R. Sallai
Franza: H. Lloris, B. Pavard, R. Varane, P. Kimpembe, L. Digne, P. Pogba, N. Kante, A. Rabiot, A. Griezmann, K. Benzema, K. Mbappe
Referee: M. Oliver
Assistenti Referees: S. Burt, S. Bennett
