L-Iżvezja jtemmu l-ewwel fi Grupp E
Bidu mill-aqwa għall-Iżvezja hekk kif wara biss żewġ minuti fetħu l-iskor meta Emil Forsberg ikkonkluda wara li approfitta minn nuqqas ta’ attenzjoni fid-difiża tal-Polonja.
Fit-tieni taqsima, l-Polonja baqgħu jiddominaw il-pusses u kien fit-52 minuta li x-xutt ta’ Grzegorz Krychowiak kien salvat b’mod tajjeb minn Olsen. L-Iżvezja rrispondew u għalqu l-partita fid-59 minuta meta minn pass ta’ Kulusevski kien Emil Forsberg għal darb’oħra li għamel l-iskor 2-0. Żewġ minuti wara, l-Polonja jwettqu reazzjoni u jirrispondu b’gowl tal-attakkant ta’ Bayern Munich Robert Lewandowski li kkonkluda fuq pass preċiż ta’ Piotr Zielinski. Il-Polonja ħasbu li ġabu l-iskor indaqs fil-65 minuta meta minn cross ta’ Krychowiak kien is-sostitut Jakub Swierczok li xeħet ġewwa mill-viċin, bil-gowl tiegħu jkun imħassar għall-offside.
Fis-70 minuta, Forsberg kien viċin li jiskorja l-hat-trick iżda x-xutt tiegħu kien devjat għall-corner. Il-Polonja ġabu l-iskor indaqs fl-84 minuta meta minn cross ta’ Frankwoski, kien Robert Lewandowski li skorja t-tieni gowl personali, liema gowl ma kienx biżejjed biex ipoġġi lill-Polonja fil-fażi li jmiss. L-Iżvezja aċċertaw mir-rebħa tard fil-partita meta minn kontrattakk veloċi, kien Viktor Claesson li għamel l-iskor finali 3-2.
epa09296225 Jakub Swierczok (R) of Poland in action against Mikael Lustig of Sweden during the UEFA EURO 2020 group E preliminary round soccer match between Sweden and Poland in St.Petersburg, Russia, 23 June 2021. EPA-EFE/Kirill Kudryavtsev / POOL (RESTRICTIONS: For editorial news reporting purposes only. Images must appear as still images and must not emulate match action video footage. Photographs published in online publications shall have an interval of at least 20 seconds between the posting.)
Żvezja: R. Olsen, M. Lustig, V. Lindelof, M. Danielson, L. Augustinsson, A. Ekdal, K. Olsson, S. Larrson, E. Forsberg, R. Quasion, A. Isak
Polonja: W. Szczesny, B Bereszynski, K. Glik, J. Bednarek, G. Krychowiak, M. Klich, K. Jozwiak, K. Swiderski, P. Zielinski, T. Puchacz, R. Lewandowski
Referee: M. Oliver
Assistenti referees: S. Burt, S. Bennett
