Fl-isfond tad-deċiżjoni tal-FATF fejn Malta żdiedet mal-lista ta’ pajjiżi b’defiċjenzi strateġiċi, ARQ Group b’kollaborazzjoni mal-Malta Bankers Association (MBA) se jorganizza l-Konferenza annwali kontra l-Ħasil tal-Flus (AML) u l-Kriminalità Finanzjarja bit-tema “It-trawwim ta’ kultura ta’ konformità. Id-deċiżjoni plenarja tal-FATF – nifhmu l-implikazzjonijiet u nfasslu l-passi li jmiss.”
L-avveniment se jsir onlajn f’żewġ waranofsinhar fis-7 u t-8 ta’ Lulju.
Il-webinar se jiġbor flimkien persuni prominenti fis-settur li se jiddiskutu din id-deċiżjoni tal-FATF u jiddiskutu l-impatt potenzjali fuq setturi varji. Id-diskussjonijiet se jinkludu esperti ta’ fama internazzjonali li ilhom involuti fil-proċess ta’ evalwazzjoni tal-FATF / MONEYVAL għal bosta snin, inklużi Yehuda Shaffer u Giuseppe Lombardo.
Biex tirreġistra għall-avveniment żur: https://arqeducate.com/product/aml-financial-crime-conference/
