L-ex direttur tal-kumpanija Electrogas Paul Apap Bologna qed jirrifjuta li jwieġeb mistoqsijiet diretti dwar il-kuntratt tal-power station tal-Electrogas; mistqosijiet li qed iisru mid-deputati Nazzjonalisti Beppe Fenech Adami, Karol Aquilina u Ryan Callus.
Apap Bologna qed isotni li mhux se jwieġeb għaliex qed ikun trattat ħażin fil-mod kif qed isirulu l-mistoqsijiet u għax qed iħossu trattat bħala suspettat.
Apap Bologna mhux iwieġeb għal dawn id-domandi:
- Jekk il-kuntatt mas-SOCAR sarx qabel l-elezzjoni tal-2013
- Jekk kienx hu li għamel l-ewwel kuntatti mas-SOCAR
- Jekk kellux laqgħat ma’ nies fil-Gvern tal-Ażrbajġan
- Jekk kellux kuntatt dirett tal-President tal-Ażerbajġan Aliyev
- Jekk kellux kuntatt ma’ familjari ta’ Aliyev
- Jekk kienx kruċjali biex membri tal-familja ta’ Aliyev iżuru Malta
- Għaliex is-SOCAR spiċċat mill-Electrogas
- Jekk kienx jaf li SOCAR hi kumpanija tal-Istat tal-Ażerbajġan bl-involviment tal-President Aliev
- Jekk hemmx raġuni għaliex minn tant kumpaniji fid-dinja ngħażlet kumpanija mill-Ażerbajġan
- Jekk jaqbilx li SOCAR kienet inkarigata biex l-Electrogas tqabbad wieħed mill-azzjonisti jixtru l-gass mingħand is-SOCAR biex dan jerġa’ jinbiegħ lill-Electrogas
- Jekk is-SOCAR qalax il-flus minn fuq l-Electrogas
- Kif il-poplu qed iħallas miljuni żejda fis-sena f’dan l-iskandlu
- Jekk jikkonfermax li fl-2017 l-Electrogas ħallset lil SOCAR €153 miljun u din għamlet qligħ ta’ €40 miljun minn fuq il-poplu Malti
- Jekk ittieħdux passi kontra l-ġurnal The Guardian dwar rapporti ta’ dan is-serq ta’ dawn l-€40 miljun
- Kif l-Enemalta ħallset €153 miljun mit-taxxi tal-poplu.
- Jekk jafx li s-SOCAR m’għandha ebda esperjenza f’dan is-settur
- Jekk jafx li l-prezzijiet li spiċċa ħallas il-poplu m’humiex dawk tas-suq
- Għaliex il-poplu Malti ħallas €40 miljun iżjed
- Min hu l-aħjar persuna biex iwieġeb għal dawn il-mistoqsijiet, jekk mhux hu
- X’laqgħat kellu ma’ SOCAR
- Jekk bagħatx affarijiet lis-SOCAR
- Jekk is-SOCAR bagħtulux flus
- X’għamel b’dawn il-flus
- F’liema kontijiet poġġiehom
- X’inhi r-relazzjoni mal-ex Prim Ministru Joseph Muscat
- Jekk hux dilettant ta’ xi sport
- Jekk id-dar għandux mejda tat-table-tennis
- Jekk Joseph Muscat u Edward Zammit Lewis kinux mistiedna jilgħabu t-table-tennis d-dar tiegħu
- Jekk kellux influwenza fuq Muscat u Zammit Lewis.
- Ma’ min għandu ħbiberija ma’ ministri u uffiċjali tal-PL
- X’inhuma l-kuntatti tiegħu fl-Ażerbajġan fin-negozju
- Meta żar l-aħħar l-Ażerbajġan u għaliex mar
- Jekk kienx membru tal-Bord tal-Awtorità tal-Ippjanar
- Min kien il-persuna li kellmu biex ikun fuq dan il-Bord
- Jekk kienx il-ministru responsabbli, kienx Vince Cassar li kellmu jew kienx Johann Buttigieg
- Jekk Konrad Mizzi kellmux fuq il-possibbiltà li jkun fuq il-Bord
- Jekk Keith Schembri kienx involut f’din l-għażla
- Jekk iddiskutiex dan ma’ Joseph Muscat
- X’esperjenza għandu fl-ippjanar
- Kif ingħażlet kumpanija mill-Ażerbajġan li għandu rekord ta’ korruzzjoni
- Xi rwol kellu ma’ Turab Musayev fl-Ażerbajġan u jekk dan hux ħabib tiegħu
- Jekk il-kumpanija Cifidex hix il-kumpanija ta’ Turab
- Jekk din isseliftx €3 miljuni mingħand 17 Black
- Kif din marret tinvesti propju fil-Montenegro
- Jekk is-Cifidex xtratx proġett ta’ €3 mijuni u biegħtu lill-Enemalta għall-prezz ta’ €7 miljuni
- Jekk hu rċeviex xi ħaġa minnhom
- Jekk jafx li ammonti minnhom għaddew għand Yorgen Fenech.
- Jafx li Nexia BT kellha rwol importanti fil-proċess tal-Electrogas
- Kif il-kompetitur tal-Electrogas ma ngħata ebda punt fil-proċess tal-evalwazzjoni
- Għaliex mar għal-laqgħa f’Kastilja dwar għajnuna mill-Istat.
