Id-Danimarka fil-fażi li jmiss b’wirja dominanti
Id-Danimarka kisbu post fil-fażi li jmiss meta għelbu lil Wales 4-0. Id-Daniżi kienu superjuri għall-avversarji fejn lagħbu bi grinta u determinazzjoni biex jiksbu r-riżultat, logħob simili ta’ dak li rajna fil-partita kontra r-Russja.
Id-Danimarka bdew jiddominaw il-partita hekk kif kellhom il-kontroll tal-ballun fl-ewwel ħinjiet tal-partita. Fl-10 minuta, x-xutt ta’ Gareth Bale kien imblokkat b’mod tajjeb.
Iżda, d-Danimarka fetħu l-iskor fis-27 minuta meta kien Kasper Dolberg li b’xutt minn barra l-kaxxa għamel l-iskor 1-0. Lejn tmiem l-ewwel taqsima, id-Daniżi resqu viċin li jirduppjaw iżda d-daqqa ta’ ras ta’ Joakim Maehle kienet mdawwara f’corner minn Danny Ward.
Fil-bidu tat-tieni taqsima, d-Danimarka komplew fejn ħallew fl-ewwel waħda u minn cross fil-baxx ta’ Martin Brathwaite, kien Kaper Dolberg li kkonkluda għat-tieni gowl tiegħu. Wales pruva iwettqu reazzjoni u kien fit-63 minuta li x-xutt ta’ Joe Allen għadda barra. Fis-76 minuta daqqa ta’ ħarta għad-Danimarka hekk kif weġġgħa l-captain Simon Kjaer b’konsegwenza li kellu jinbidel. It-tim ta’ Kasper Hjumland resaq viċin li jiskorja t-tielet gowl fil-81 minuta iżda l-freekick ta’ Martin Braithwaite għadda għoli minn fuq il-lasta. Id-Danimarka baqgħu jkunu perikolużi u fit-82 minuta l-cross ta’ Braithwaiter kien imlokkat mid-difiża ta’ Wales. Lejn it-tmiem, is-sostitut Joachim Andersen resaq viċin li jagħmilhom 3-0 iżda l-konklużjoni tiegħu għaddiet barra. It-tielet gowl tad-Danimarka wasal fit-88 minuta permezz ta’ Joakim Maehle. Wales temmew il-partita bi player anqas meta tkeċċa Harry Wilson. Fl-aħħar sekondi, Martin Braithwaite għamilhom 4-0.
Wales : D.Ward, C.Roberts, J.Rodon, C.Mepham, B.Davies, J.Morrell, J.Allen, D.James, A.Ramsey, G.Bales, K.Moore
Danimarka : K.Schmeichel, A.Christensen, S.Kjaer, J.Vestergaard, J.Maehle, T.Delaney, P.Hojberg, J.Stryger, M.Damsgaard, M.Braithwaite, K.Dolberg
Referee : D.Siebert
Assistenti Referees : J.Seidel, R.Foltyn
