Il-goalkeeper Taljan Gigio Donnarumma lbieraħ kiser ir-rekord tal-goalkeeper Dino Zoff hekk kif flimikien ma’ Salvatore Sirigu, Alessio Cragno u Alex Meret ilhom 1168 minuta ma jsofri gowl mat-tim nazzjonali Taljan. Zoff kien waqqaf dan ir-rekord fl-1974 fejn kien għamel 1143 minuta mingħajr ma jsofri gowl.
Fi tmiem il-partita ta’ lbieraħ kontra l-Awstrija, Donnarumma qal li jinsab emozzjonat li hu flimkien ma’ sħabu rnexxielu jissupera rekord ta’ leġġenda bħal Zoff. L-Italja l-aħħar li sofriet gowl kien fl-14 ta’ Ottubru li għadda f’partita min-Nations League kontra l-Olanda.
