L-Iżvizzera jeliminaw liċ-champions tad-dinja
Fl-ewwel taqsima kontra dak mistenni, l-Iżvizzera marru fil-vantaġġ fil-15-il minuta meta minn cross ta’ Steven Zuber kien Haris Sefereovic li għola tajjeb u b’daqqa ta’ ras għeleb lil Hugo Lloris għal 1-0.
Fit-tieni taqsima l-Iżvizzera ingħataw penalty fl-54 għal foul ta’ Pavard fuq Steven Zuber. Iżda mill-ħdax il-metru kien Hugo Lloris li salva tajjeb ix-xutt ta’ Ricardo Rodriguez, bl-iskor jibqa’ dak ta’ 1-0. Biex żewġ minuti kien Karim Benzema li fuq pass ta’ Kylian Mbappe kkonkluda fil-lasta għal 1-1.
L-istess Karim Benzema rdoppja u dawwar ir-riżultat tal-partita minuta wara, meta wara cross ta’ Antoine Griezmann ikkonkluda bir-ras f’lasta vojta għal 2-1. Franza żiedu t-tielet gowl fil-75 minuta Paul Pogba b’konklużjoni mid-distanza ma ta l-ebda ċans lil Sommer li jsalva.
Madanakollu fit-80 minuta l-Iżvizzera skorjaw it-tieni gowl tagħhom emeta minn cross ta’ Kevin Mbabu, kien Haris Seferovic li għal darb’oħra bir-ras tefa’ fil-lasta għal 3-2. Iżda fid-90 minuta l-Iżvizzera ġabu l-gowl tad-draw meta minn pass ta’ Granit Xhaka kien Mario Gavranovic li kkonkluda ġewwa għal 3-3. Il-partita kellha tmur għal ħin barrani.
WARA L-GĦOTI TAL-PENALTIES L-IŻVIZZERA GĦELBU LIL FRANZA 5-4.
Franza: H. Lloris, R. Varane, C. Lenglet, P. Kimpembe, B. Pavard, P. Pogba, N. Kante, A. Rabiot, A. Griezmann, K. Benzema, K. Mbappe
Żvizzera: Y. Sommer, S. Widmer, N. Elvedi, M. Akanji, R. Rodriguez, S. Zuber, G. Xhaka, R. Freuler, X. Shaqiri, H. Seferovic, B. Embolo
Referee: F. Rapallini
Assistenti referees: J. Belatti, D. Bonfa
