Franza huma l-favoriti li jegħlbu lill-Iżvizzera u jikkwalifikaw għall-kwarti finali wara li rebħu Grupp F, meqjus bħala l-itqal grupp fil-Euro 2020. Minkejja l-qawwa li għandhom iċ-champions tad-dinja xorta waħda ma renxxielux jgħaddu bil-punti massimi, u b’Kylian Mbappe nieqes mill-gowls f’din il-kompetizzjoni, il-coach Didier Deschamps irid jaċċerta l-partitarji Franċiżi li din mhux se tkun edizzjoni ta’ diżappunt.
Madanakollu, l-aħħar telfa għalt-tim Franċiż waslet sentejn ilu, iżda l-lista ta’ injury li tinkludi lil Thomas Lemar, Ousmane Dembele, Marcus Thuram kif ukoll lil Lukas Digne u Theo Hernandez, jaf tfisser li se jkun hemm bidla fil-formazzjoni inizjali Franċiża.
Min-naħa l-oħra L-Iżvizzera kapaċi joffru opposizzjoni denja lit-tim Franċiż speċjalment jekk isibuwhhom dagħjfa bl-injuries. B’Xherdan Shaqiri f’forma tajba wara ż-żewġ gowls kontra t-Turkija għamluh l-aqwa skorer tal-Iżvizzera f’kompetizzjonijiet internazzjonli maġġuri, kif ukoll tim li maqgħud li kapaċi jissilet sal-aħħar minuti, l-Iżvizzera mhux se jkunu qed jaqtgħu qalbhom kontra l-qawwa ta’ Franza.
Franza u l-Iżvizzera iltaqgħu għall-aħħar darba fil-Euro 2016 bil-partita dakinhar tintemm fi draw ta’ 0-0.
L-aħħar sittax : Franza v Żvizzera 9.00pm National Arena, Bucharest
