L-attakkant Taljan ta’ Lazio Ciro Immobile qal li jemmen li t-tim tiegħu jista’ jirbaħ dan it-tournament anke għall-fatt li hemm għaqda kbira bejn il-players kollha fl-iskwadra tat-tim nazzjonali Taljan.
Immobile qal li dan il-fatt ħareġ biċ-ċar fil-partita kontra l-Awstrija hekk kif minkejja li ma kinitx l-aħjar prestazzjoni tal-Italja xorta rnexxielhom jikkwalifikaw b’rebħa fil-ħin barrani. Immobile tkellem ukoll dwar il-partita kontra l-Belġju fejn qal li huma konxji mill-qawwa ta’ dan it-tim u żied jgħid li l-fatt li hemm ċans li Eden Hazard u Kevin De Bruyne jitilfu l-partita kontra l-Italja huwa fattur li jgħin lit-tim ta’ Roberto Mancini.
Dwar il-possibilità li l-Italja tista’ tilgħab kontra l-Iżvizzera fis-semifinali tal-Euro 2020, Immobile qal li din il-partita se tkun waħda differenti minkejja li l-Italja affaċċjaw lill-Iżvizzera fit-tieni partita tal-grupp fejn kienu rebħu 3-0.
