Kmieni dalgħodu, għal xis-01:45, il-Pulizija ġiet infurmata li kien hemm bżonn l-assistenza fi Triq id-Dragunara, San Ġiljan.
Mill-investigazzjonijiet preliminari rriżulta li kien hemm argument bejn grupp ta’ żgħażagħ.
Ġuvni Franċiż ta’ 18-il sena safa’ aggredit minn wieħed miż-żgħażagħ li l-identita’ tiegħu għadha mhix magħrufa.
Tim mediku ta l-assistenza u ambulanza ħadet lil Franċiż l-Isptar Mater Dei għal aktar kura. Fejn aktar tard, hu ġie ċċertifikat li weġġa’ gravi.
L-investigazzjonijiet tal-Pulizija għadhom għaddejjin.
