Id-difensur ta’ esperjenza Belġjan Jan Vertonghen qal li jinsab iddispjaċut li l-iżball tiegħu fl-ewwel taqsima wassal għall-ewwel gowl tal-Italja skorjat minn Nicola Barella. Vertonghen prova joħroġ bil-ballun mid-difiża Belġjana, iżda tilef il-ballun f’tarf il-kaxxa, b’Marco Verratti jgħaddi lejn Barella li għeleb lill-goalkeeper Thibaut Courtois għal 1-0.
Id-difensur ta’ Benfica li lagħab 131 partita mat-tim nazzjonali Belġjan, saħaq li li t-telfa jħossha xi ftit aktar għaliex l-ewwel gowl kien żball tiegħu, f’ħin fil-partita fejn l-Belġju ma tantx kellhom pusses tal-ballun. Vertonghen saħaq li jridu jaraw x’ kienu l-affarijiet li għamlu ħażin matul il-Euro 2020, hekk kif il-Belġju ġew eliminati minn tournament ieħor, u baqgħu mingħajr unur internazzjonali għall-hekk meqjusa bħala l-‘golden generation’.
