INGILTERRA ……. 2
DANIMARKA …… 1
l-Ingilterra għaddew għall-ewwel finali wara 55 sena hekk kif wara l-ħin barrani għelbu lid-Danimarka bl-iskor ta’ 2-1. Fl-ewwel minuti tal-partita l-Ingilterra ħarġu aggressivi fejn bdew jiħu d-dwelli f’nofs il-ground. Fil-5 minuta cross perikoluż ta’ Harry Kane, kien twil wisq għall-Raheem Sterling li ma laħaqx fil-kaxxa ż-żgħira. Fit-12 il-minuta Raheem Sterling din id-darba għadda tajjeb mix-xellug iżda l-konklużjoni tiegħu kienet salvata faċilment minn Kasper Schmeichel. Fl-14-il minuta tasal l-ewwel azzjoni denja ta’ nota tad-Dnaimarka meta Kalvin Phillips tilef il-ballun viċin il-kaxxa Ingliża, iżda l-konklużjoni ta’ Pierre Hojberg kienet salvata tajjeb minn Pickford. Fl-24 minuta id-Daniżi għal darba reġgħu kienu perikolużi meta Mikkel Damsgaard daħal tajjeb fil-kaxxa, bix-xutt tiegħu jgħaddi ftit għoli.
Biex fid-29 minuta Mikkel Damsgaard bi ġmiel ta’ freekick għeleb lil Jordan Pickford biex tefa’ lid-Daniżi fil-vantaġġ. Dan kien l-ewwel gowl li qala’ Pickford matul il-Euro 2020. Fis-37 minuta l-Ingilterra kienu l-aktar viċin il-gowl meta minn cross ta’ Harry Kane, Shcmeichel salva mill-viċin il-konklużjoni ta’ Raheem Sterling. Biex fid-39 minuta l-Ingilterra kisbu l-gowl tad-draw meta minn cross ta’ BUkayo Saka, kien Simon Kjaer li tefa’ fil-lasta tiegħu stess għal 1-1.
Fit-tieni taqsima fil-51 minuta ix-xutt fil-baxx ta’ Kasper Dolberg kien salvat tajjeb minn Pickfors. Fl-54 minuta Kasper Schmeichel għal darb’oħra salva lid-Danimarka hekk kif salva tajjeb id-daqqa ta’ ras ta’ Harry Maguire. Il-partita kellha tmur għall-ħin barrani hekk kif intemmet fi draw. Biex fil-103 minuta l-Ingilterra ingħataw penalty meta Raheem Sterling twaqqa fil-kaxxa minn Vestegaard. Mill-ħdax-il metru Harry Kane ra x-xutt tiegħu salvat minn Schmeichel iżda mit-tieni tentattiv tefa’ fil-lasta għal 2-1. Issa fil-finali jiltaqgħu kontra l-Italja.
Ingilterra: J. Pickford, L. Shaw, K. Walker, J. Stones, H. Maguire, D. Rice, K. Philips, M. Mount, R. Sterling, B. Saka, H. Kane
Danimarka: K. Schmeichel, A. Christensen, S. Kjaer, J. Vestergaard, J. Stryger, T. Delaney, P. Hojbjerg, J. Maehle, M. Braithwaite, M. Damsgaard, K. Dolberg
Referee: D. Makkelie
Assistenti referees: H. Steegstra, J. de Vries
