Raġel ta’ 24 sena weġġa’ gravi wara li kien involut f’inċident bil-mutur.
L-inċident seħħ ilbieraħ, għal xi t-8.00pm meta l-Pulizija ġiet infurmata b’inċident tat-traffiku fi Triq San Pawl, in-Naxxar.
Il-Pulizija marret immedjatament fil-post hekk kif kienu mgħarrfa bl-inċident u minn stħarriġ preliminari rriżulta li kien seħħ inċident bejn mutur Honda, misjuq minn raġel ta’ 24 sena residenti l-Iklin, u vettura BMW, misjuqa
minn raġel ta’ 22 sena residenti n-Naxxar.
Ix-xufier tal-mutur ingħata l-għajnuna minn tim mediku, ittieħed l-Isptar Mater Dei u ġie ċċertifikat li weġġa’ gravi.
L-investigazzjonijiet tal-Pulizija għadhom għaddejjin.
