Il-Ħamis 8 ta’ Lulju 2021 – Mill-għawm fil-baħar għar-rebħ tat-2 kategorija fit-tlugħ tas-SUPERSTAR. Plejer regolari tal-Maltco jista’ jsejjaħ lilu nnifsu xxurtjat meta sett ta’ numri li ra fuq dgħajsa waqt li kien qed jgħum, rebħuħ l-aqwa jackpot tat-2 kategorija – €96,457.
Il-plejer xtara l-biljett rebbieħ mill-Ħamrun, qabbel l-ewwel ħames numri miġbuda 11 – 21 – 26 – 22 – 12 biex rebaħ it-2 kategorija ta’ SUPERSTAR. In-numru SUPERSTAR għal din il-polza kien 7. Viżibilment kuntent bis-sejba tiegħu, huwa rrakkonta li hija n-norma għalih li jipparteċipa f’logħob differenti tal-lotterija Maltco b’diversi numri li jiltaqa’ magħhom matul il-ħajja ta’ kuljum, bħal numri tal-bibien, numri fuq dgħajjes eċċ. Awtomatikament, hekk kif ra sett ta’ numri miktuba fuq il-magna tad-dgħajsa, mill-ewwel mar jittanta xortih f’lotterija tal-Maltco. Huwa pparteċipa bl-istess sett ta’ numri fis-Super 5 u SUPERSTAR, b’din tal-aħħar tirriżulta fir-rebħ tal-Jackpot.
Intervistat minn membru tat-tim tal-marketing fl-uffiċċju ewlieni tal-Maltco, ir-rebbieħ esprima l-emozzjonijiet differenti li ħass hekk kif innota li rebaħ il-jackpot SUPERSTAR tat-2 kategorija. Huwa kellu jiċċekkja r-riżultati fuq il-paġna ta’ Facebook ta’ Maltco peress li ma setax jemmen li qabbel in-numri kollha waqt li kien qed jara t-tlugħ dirett fuq it-TV.
Filwaqt li rebaħ l-ogħla jackpot SUPERSTAR, ir-rebbieħ qal li se jkun qed jaqsam il-flus mal-familja tiegħu.
Apparti dan ir-rebbieħ, rebħu wkoll 1,001 persuna oħrajn fis-seba’ kategoriji rebbieħa tat-tlugħ tas-SUPERSTAR 136 li sar fil-25 ta ‘Ġunju.
SUPERSTAR hija logħba tal-lotterija popolari bbażata fuq tlugħ kull ġimgħa li fiha format ta’ matriċi doppja li toffri premjijiet attraenti abbundanti f’seba’ kategoriji rebbieħa differenti. L-ewwel jackpot tal-kategorija għat-tlugħ li ġej nhar il-Ġimgħa 9 ta’ Lulju huwa €1,000,000 inkredibbli. Agħżel in-numri favoriti tiegħek online minn www.maltco.com jew mill-Aġent preferut tiegħek.
