Wara l-fatt li, tul dawn l-aħħar jiem, pajjiżna qiegħed jara żieda fin-numri tal-każijiet pożittivi tal-COVID-19 impurtati, il-COVID Action Team tal-Partit Nazzjonalista jisħaq fuq limportanza ta’ screening aktar riġidu fil-portijiet Maltin, kemm dawk bl-ajru kif ukoll bilbaħar.
Għalhekk il-Partit Nazzjonalista qiegħed jipproponi li:
- Jekk il-persuna li tasal Malta tkun ivaċċinata, għandha tippreżenta ċ-ċertifikat ta’ dan, flimkien ma’ prova ta’ PCR test negattiv sa 72 siegħa mit-tluq tagħha.
- Jekk il-persuna li tasal Malta ma tkunx ivaċċinata, minkejja li jkollha prova ta’ PCR test negattiv minn pajjiżha, għandha tkun screened permezz ta’ PCR test ieħor hekk kif tasal f’Pajjiżna.
- Għandu jkun hemm loġistika aktar b’saħħitha li tantiċipa ż-żieda qawwija li qegħdin naraw fit-turiżmu u sabiex jiġi evitat il-kaos li rajna fil-portijiet fil-ġimgħat li għaddew.
Dan, sabiex inkomplu nnaqsu l-possibilitá tal-introduzzjoni ta’ varjanti ġewwa pajjiżna u nassiguraw li s-settur turistiku u dak tal-ospitalitá, tant importanti għall-ekonomija tagħna, tkompli bir-ritmu li qabdet u tkompli titgawda ġewwa pajjiżna.
Dan ukoll, sabiex jiġi evitat li Pajjiżna jerġa jkollu impost fuqu mill-ġdid xi restrizzjonijiet marbuta mat-tixrid tal-pandemija, u nkomplu ngħixu fin-normalita’ filwaqt li jkun hemm irrispett u l-infuzar ta’ dawk il-miżuri preventivi diġa eżistenti.
